Juvjja dhe Reallii bllofe të çmendura,, Allonso pllas bombën në Spanjjë për humbjjen e “gallaktiikëve”
CSKA-ja i shkakton humbjen më të thellë, por eliminohet
CSKA-ja e Moskës përshëndetet me Ligën e Kampioneve, duke marrë me vete thjesht një kujtim: rusët mundën 2 herë në ndeshjet e grupeve Realin e Madridit, 10 në shtëpi dhe 0-3 ditën e djeshme në “Bernabeu”. Por nuk mjafton për të shkuar në Ligën e Europës, pasi Roma, nga ana tjetër, humbet me Viktoria Pëlzenin dhe këta të fundit presin biletën për në kupën e vogël të Europës. Për Realin e Solarit shumë rrotacion, sërish fërshëllima dhe sërish një 0-3 i vuajtur si ai me Eibarin. Ndoshta është një ndeshje që nuk kishte vlerë, por e futi Realin në librat e errët të historisë së klubit. Sepse humbje 0-3 në Europë nuk i kishte ndodhur kurrë. CSKA-ja futet në histori.
FYTYRA TË REJA- Një mbrëmje eksperimentesh për Solarin. Në mbrojtje luanin Vajeho dhe Havi Sançez, Valverde në mesfushë dhe Isko, Asensio dhe Vinicius në repartin e avancuar. Rikthehet në skenë edhe Marselo, i cili aktivizohet për të bërë një minipërgatitje për të gjetur formën. Portieri nuk ndryshon. Kejlor Navas në stol me Varanin, Krosin, Modriçin dhe Bejlin.
ASENSIO OK- Realit të “rinuar” i duhet shumë pak për të ndezur mbrëmjen. Vinicius provon në minutën e 24t, por Akinfejev detyrohet të bëjë një ndërhyrje shpëtimtare. Asensio ka shansin e artë për ta dërguar në rrjetë, por godet shtyllën. Djaloshi nga Majorka ka dëshirë të marrë një rol protagonisti në këtë skuadër dhe bën maksimumin. Detyron portierin rus që të bëjë një tjetër ndërhyrje shpëtimtare, pas një aksioni të bukur me Viniciusin dhe Benzemanë.
DOPIOKOLPO- Reali meriton avantazhin, por në fakt ndëshkohet dy herë përpara fundit të pjesës së parë. Në fillim, Çalov ndëshkon Kurtuanë dhe më vonë Shenikov dërgon në rrjetë një top pas goditjes së Mario Fernandeshit. Dhe kështu Reali largohet mes fërshëllimave të tifozëve të tifozëve. Dhe kur rikthehet, ndodh pikërisht e njëjta gjë. Fërshëllima për Iskon dhe për Marselon kur largohet. Në fund, fërshëllima për të gjithë, pasi Sigurdson shënon golin e tretë. Tifozët rusë në festë, por nga Çekia vijnë lajme negative. Sepse Viktoria Pëlzen fitoi ndaj Romës dhe preu biletën për në Ligën e Europës.