Kukësi “peshkon” në Mal të Zi
Drejtori Nexhipi shkoi deri në Podgoricë për të ndjekur sulmuesin e Buduçnostit
SKERDILAID SULOZEQI
Kukësi do një "bomb er". Kjo është një kërkesë e kahershme e verilindorëve, të cilët mendojnë se vetëm Rexhinaldo nuk mjafton për të përballuar krejt sezonin. Përgjegjësit e merkatos po studiojnë prej kohësh disa alternativa dhe, pasi kanë marrë "viston" nga presidenti Safet Gjici që t'i plotësojnë dëshirat trajnerit Cungu, kanë nisur edhe "gjuetinë". Gazeta "Panorama Sport" mëson ekskluzivisht se para pak kohësh drejtori Nderim Nexhipi ka shkuar deri në Podgoricë për të ndjekur nga afër një qendërsulmues. Bëhet fjalë Igor Ivanoviç, i cili këtë sezon po mbron ngjyrat e Buduçnostit.
- Sulmuesi ka treguar një formë mjaft të mirë deri në këtë fazë të kampionatit, ku ka luajtur 16 takime dhe ka shënuar 4 gola. Ai është 28-vjeç dhe ka një karrierë realisht të pasur në Malit të Zi. Veç Sutjeskës, më parë ka qenë pjesë edhe e Rudar, OFK
KARRIERA
Beograd apo edhe në Azerbajxhan me Zirën. Drejtorit të Kukësit mësohet se ia kanë referuar këtë lojtar dhe, pasi ka parë CV-në e tij, ka menduar që të shkojë që ta ndjekë edhe nga afër. Sidoqoftë, fjala e fundit i takon vetë trajnerit, do të jetë shkodrani ai që do të vendosë nëse do të jetë apo jo i duhuri. Gjasat janë që pas 90-minutëshit me Partizanin, edhe Cungu të fillojë të mendojë seriozisht për merkaton.
ALTERNATIVAT - Drejtuesit e Kukësit po ndjekin edhe disa pista, ndaj në "fokus" nuk është vetëm malazezi. Edhe Vasil Shkurtaj mbetet një opsion, por çdo gjë do varet nga nevojat e trajnerit. Është e sigurt që do të afrohet një "pykë", por nëse do gjejnë lojtarët të përshtatshëm, atëherë numri i afrimeve mund të shkojë edhe në dy. Për të evituar problemet që kanë pasur deri më tani prej dëmtimeve, pezullimeve apo tekave të Rexhinaldos, klubi kërkon që të marrë masat dhe të shtojë medoemos opsionet dhe rivalitetin për ofensivën.