Milan katastrofë, e eliminojnë grekët
“Djalli” nuk thyen tabunë helene dhe eliminohet për shkak të golavarazhit
Në tokën e Perën dive, traditat res pektohen. Milani, në Greqi, nuk ka fituar kurrë përveç finaleve të Champions-it, por ato nuk kanë qenë kundër ekipeve helene. Dje, edhe një herë, kuqezinjtë “dhurojnë” një mbrëmje të zezë, e cila kushton eliminimin nga Liga e Europës. Bilanci bëhet më i errët, kur mendon se “Djalli” nuk duhej as të fitonte apo të barazonte. Mjafton një humbje me një gol diferencë, por Gatuzo dhe të tijtë djallosin gjithçka me Olimpiakosin, që fiton 3-1 dhe kualifikohet në turin tjetër, falë golavarazhit në grup. Për thuajse një orë, Milani luajti ndeshjen perfekte me Higuain e të tjerët, gjithnjë të qartë me sfidën në ekuilibër.
NISJA — Agimi i ndeshjes i kishte dhënë sinjalet për kuqezinjtë. Krosim i Sisesë, Guerrero sulmon thellësinë, por gabon sepse nuk sheh Reinan që ka dalë t’i zërë rrugën. Milani reagon me Higuain që sheh Sanë t’i bllokojë goditjen. Edhe Kutrone ka shansin e tij, por gardiani portugez i Olimpiakosit sheh topin t’i përfundojë në duar.
PJESA E DYTË - Fraksioni i dytë nis me grekët që kanë liri, por Fetfasidhis nuk përfiton për t’i ndëshkuar. Në minutën e 60-të “Djalli” relaksohet më shumë sesa duhet. Kastijeho hutohet në goditje këndi, Fetfasidhis futet në zonë dhe nga goditja e tij “çel” një kros për Sise, të cilit duhet vetëm të shtyjë topin në portë me kokë. Realizimi vendës ndez ndeshjen, publiku i Pireut shtyn skuadrën, por është Milani që reagon me Kutrone dhe Higuain që nuk gjejnë portën. Olimpiakosi kupton që mund të bëjë mrekullinë kur Podens kërcënon Reinan dhe Guerrero sheh Zapatën t’i mohojë golin e dytë të mbrëmjes. Kolumbiani i pafat në një sulm tjetër grek, kur devijon një goditje të destinuar në fundore. 2-0 duket sikur fundos “Djallin”, por Zapata rregullon situatën duke realizuar një gol, në dukje me peshë kualifikimi.
MAKTH — Grekët nuk dorëzohen dhe vijojnë të sulmojnë me vrull, teksa Laksalt në vend të Kutrones është një përpjekje për të frenuar ritmin
vendës. Nuk do të funksionojnë kjo lëvizje, sepse 13 minuta nga fundi, arbitri Bastjë sheh një “përqafim” të Abates ndaj Torosidhisit. Më shumë se fiskal bilbili francez, por kapiten Fortunis nuk do t’ia dijë dhe dërgon në rrjetë topin që vlen kalimin e grupit për
helenët. Sulmet e fundit kuqezi nuk sjellin asgjë, Olimpiakosi përballon goditjet me Milanin që del nga Europa. Golavarazhi ndëshkon kuqezinjtë, ashtu siç në Champions dënoi Interin. Në Greqi e dinë, nëse Athina qan, Sparta nuk është se qesh ....