Vajadolid, Ronaldo synon Viniciusin dhe... Shakirën
Bukur të kesh për president një fytyrë të njohur, madje shumë të njohur. Këtë gjë po e kupton shumë mirë skuadra e Vajadolidit, që prej nga kur pronar i klubit është bërë "Fenomeni" Ronaldo Nazario da Lima, i cili i ka dhënë një vëmendje madhështore kësaj skuadre të vogël, e cila, që nga dita e firmës me brazilianin, as që do ta kishte menduar se mund ta fitonte. Dhe siç raporton e përditshmja madrilene "Marca", fjalët e Ronaldos përbëjnë gjithmonë lajm, sidomos kur interlokutorët të dy herë "Topit të Artë", janë të një niveli. Real Madrid dhe Barcelona janë dy klubet spanjolle, për të cilat ai ka luajtur futboll. Nga njëra anë me presidentin Florentino Perez, ndërsa nga tjetra me ikonën Gerard Pike. Çfarë të kenë diskutuar vallë këta yje të futbollit botëror? Në fakt, Ronaldo u ka bërë kërkesa të dyve, të natyrave të ndryshme.
REALI DHE VINICIUS
Te Reali i Madridit Ronaldo ka kërkuar... Vinicius. Ky fakt nuk përbën lajm, sepse emri i brazilianit të talentuar kapërceu menjëherë në krye të listës së kandidatëve potencialë të preferuar nga Vajadolid, sapo "fenomeni" mori drejtimin e klubit. E lehtë të mendosh se Ronaldo e gjen disi veten te djaloshi. Kërkesa, sikurse konfirmon vetë ish-interisti, ka mbërritur tashmë në shtëpinë e "Los Blancos". Por për përgjigjen duhet të presë ende. "I kam kërkuar diçka Florentino Perezit, por është e komplikuar", deklaroi Ronaldo. Normalisht, nëse Vinicius do të vazhdojë të luajë me pikatore te Reali i Madridit, atëherë klubit "merenge" dhe vetë futbollistit do t'i leverdiste më shumë që të transferohej tjetërkund në formë huazimi, për të fituar minutash, dhe mbi të gjitha eksperiencë, mbi kampionatin spanjoll. Prandaj është më se legjitime pyetja në adresë të brazilianit: "A do të vijnë 'Galaktikë' të Realit të Madridit te Vajadolidi?". Dhe përgjigjja e Ronaldo da Limas është plot humor: "Patjetër, shumë madje, kur të vijnë, të luajnë kundër nesh".
PIKE DHE... SHAKIRA
Dhe nëse me Realin e Madridit flitet për merkato, për çfarë mund të flitet me Gerard Pikenë? Për shumë gjëra, sepse mbrojtësi nuk është vetëm futbollist, por edhe sipërmarrës. Mbi të gjitha, në këtë rast është edhe bashkëshorti i këngëtares me famë botërore, Shakira. Dhe kërkesa e tij është më shumë se e veçantë. "Nipërit e mi janë të dashuruar me Shakirën, ndaj i kërkova që të më bëjë një video. Nga aty nisëm të flasim pak. Duhet të takohemi për të folur mbi ndonjë projekt, por ende nuk e kemi bërë", sqaroi presidenti i Vajadolidit.