Juve sytë nga Ronaldo, spanjollët “gjahu” i tij
Manxukiç sfidon të shkuarën, “Zonja” u beson kolosëve
Shikon Atletikon dhe transformohet. Në Torino ndoshta nuk kanë shumë arsye për të qenë të gëzuar nga shorti, por Kristiano Ronaldo po. Sepse është përballur disa herë me bardhekuqtë kur luante me Realin dhe di shumë mirë sesi t’u shënojë. Në karrierën e tij u ka shënuar 22 gola, duke e shndërruar në “gjahun” e tij të tretë të preferuar. Do të kërkojë ta bëjë këtë gjë edhe me fanellën bardhezi, pavarësisht se ky Champions nuk ka nisur siç duhet për të në aspektin personal. Ka shënuar vetëm 1 gol, por iu desh të humbte dy sfida për shkak të kartonit të kuq të marrë në debutim me Valencian (s’luajti ndaj Jang Bojs në ndeshjen e parë). Tani është më i karikuar se kurrë dhe ka besim për të treguar se “Zonja” nuk gaboi kur e transferoi.
CR22- Juventusi është përballur me një ekip spanjoll në këtë edicion të Ligës së Kampionëve: Valencian, të cilën e ka mundur në dy rastet. Nëse llogaritim edhe fitoren (e dhimbshme) në “Bernabeu” 1-3 në çerekfinalet e sezonit të vjetshëm, bardhezinjtë kanë fituar 3 nga 4 përballjet e fundit me skuadrat spanjolle. Dhe Kristiano Ronaldo kur sheh bardhezinjtë tërbohet dhe shënon pafund: 22 gola në karrierë, vetëm kundër Getafes (23) dhe Sevijes (27) ka shënuar më shumë. Partneri i portugezit është Mario Manx-
ukiç, i cili do të rikthehet në Madrid. Kroati ka luajtur një sezon nën urdhrat e Simeones, në 2014-2015. Për t’u monitoruar është situata e Diego Kostës, pasi braziliano-spanjolli duhet të rikthehet në shkurt pas operacionit në gisht. Ronaldo
kundër Grizmanit, Alegri kundër Simeones. Ambiciet bardhezi janë vënë menjëherë në provë. Atletiko e Madridit është më e motivuar, për shkak të finales së Ligës së Kampionëve, e cila do të luhet në “Vanda Metropolitano”, stadiumin e saj.