Interi gjen Rapidin, Zaneti: Shkojmë deri në fund!

"Në Champions humbëm një shans, por çdo trofe vlen"

‘ Short me fat? Shkoi mirë, megjithëse jemi të vetëdijshëm që nuk ka ndeshje të lehta. Të shohim në cilat kushte do jemi në shkurt, por duam të jemi protagonistë". Ka qenë ky komenti i zv.presidentit të Interit, Havier Zaneti, pas shortit të 1/16-ave të Ligës së Europës të zhvilluar ditën e djeshme përmes ceremonisë së zakonshme: goglat e Nionit "vendosën" se zikaltrit do përballen me Rapidin e Vjenës (i dyti në Grupin B në fazën paraardhëse, me pikë të barabarta me Vijarealin) në datat 14 (të martën) dhe 21 shkurt (të enjten). Ish-kapiteni interist është ndalur pas eventit për mikrofonat e "Sky Sport" ku ka analizuar verdiktin e Nionit, merkaton, eliminimin e disa ditëve më parë nga Liga e Kampioneve, formën aktuale të skuadrës zikaltër (në veçanti lidhur me situatën e trajnerit Luçiano Spaleti në stol) dhe afrimin e administratorit të ri, Xhuzepe Marota.

Mund të ketë pasoja kalimi nga Champions-i në Ligën e Europës? Udhëtimi i shkurtër mund të vijë në ndihmë?

Afërsia ofron avantazhe. Për Champions-in ndiejmë keqardhje, por tani duhet të shohim Ligën e Europës: një kompeticion prestigjioz.

Ikardi do ketë rinovuar përpara Rapidit?

Mauron e shohim edhe gjatë javës dhe ndihet shumë i lumtur e i qetë, ka një raport pozitiv me klubin. Mendoj vetëm se duhet të presim momentin e duhur. Por, e përsëris: ne jemi të lumtur, ai është kapiteni ynë, pika jonë e referimit dhe kështu duhet të mbetet.

Çfarë mendoni për deklaratat e Nedvedit kundrejt Marotës?

Nuk jam unë ai që duhet të përgjigjet, s'di përse veproi ashtu (Nedved) e as nuk më intereson.

Mund të jenë të dobishme për lojtarët imazhet e Kupës UEFA të 1998-ës?

Kam shënuar edhe unë në atë finale: nuk më ndodhte shpesh, ndaj janë kujtime të bukura (qesh). Liga e Europës është e ndërtuar nga skuadra të vështira për t'u mposhtur. Fitorja do i jepte prestigj klubit, shpresojmë të shkojmë deri në fund.

Mënyra si u larguat nga Champions-i, ju rrit përqen- drimin apo ju dëmton?

Humbëm një shans, e dinim që në momentin e shortit që grupi ishte i vështirë, por kur ndodhesh një ndeshje larg kualifikimit, hidhërimi mbetet. Skuadra jonë mund të jetë konkurruese dhe e ka treguar, duhet të përballojmë mirë Ligën e Europës dhe të jemi protagonistë. Fitorja e një trofeu është gjithmonë e rëndësishme.

Interi ka nevojë për një blerje në janar?

E përsëris, mendoj se skuadra është konkurruese kështu si është. Më tej drejtuesit sportivë, Auzilio e Marota, së bashku me ne dhe trajnerin, do bëjmë disa vlerësime: nëse do shfaqen mundësitë për t'u përforcuar me siguri do merret gjithçka në konsideratë.

Nuk e vlerësojmë punën e

Fjalët e Spaletit?

tij për një humbje apo një fitore. Është një trajner që punon shumë mirë, një profesionist. Duhet të analizojmë gjithë faktorët, jemi të lumtur prej tij edhe pse bilanci do bëhet në fund të sezonit. Për tani duhet të punojë i qetë.

Një koment për Ma- rotën?

Na është bashkuar një person kompetent, një profesionist i madh: shpresoj të na ndihmojë për të arritur rezultate të rëndësishme. Nevojitet një skuadër e madhe brenda fushe, por edhe jashtë.