Reali në finale, Bejl rekordmen
Madrilenët arrijnë objektivin kryesor, të shtunën duan trofeun ndaj Al Ain
Gjithçka e lehtë. Re ali i Madridit pret biletën për në Botërorin e Klubeve, e cila do të luhet të shtunën kundër Al Ain. Tre golat e Garet Bejlit mjaftuan për të mposhtur Kashimën dhe për të thyer disa rekorde.
BEJL SI KRISTIANONuk ishte aspak e lehtë për Realin e Madridit në pjesën e parë, pavarësisht se dominoi ndeshjen kundër Kashimës dhe krijoi raste më të pastra për të shënuar. Spanjollët kërkonin të shënonin sa më shpejt sepse më vonë do ta kishin të vështirë ta zhbllokonin ndeshjen, por nuk ishin të kthjellët përpara portës kundërshtare. Madje disa herë rrezikuan dhe u deshën ndërhyrjet e portierit Kurtua për të shpëtuar portën. Sfida u zhbllokua nga Garet Bejl, i cili nga e majta lëshon një goditje të prirët dhe tund rrjetën. Solari feston dhe merr frymë lirisht, ndërsa Garet Bejl barazon dy “jashtëtokësorët” Leo Mesi dhe Kristiano Ronaldo. Të tre së bashku janë lojtarët që kanë shënuar në 3 edicione të ndryshme të Botërorit te Klubeve.
“HAT-TRICK”- Fillimi i pjesës së dytë ishte spektakolare për Realin dhe mbi të gjitha për uellsianin Garet Bejl, Sepse arrin të shënojë 2 gola të tjerë shumë të shpejtë për të vulosur triumfin e spanjollëve. Fillimisht gabojnë japonezët me topin e kthyer dhe sulmuesi i Realit nuk fal, duke e dërguar në rrjetë. I treti ishte një gol mjaft i bukur, pasi u godit me forcë nga Bejl dhe përfundoi në shtyllën e parë të portierit. Pas këtij goli ai
barazoi një tjetër rekord, duke u bërë lojtari i tretë që ka shënuar 3 gola në një ndeshje të Botërorit. Si ai ka bërë Kristiano Ronaldo dhe Luis Suarez. Vetëm kaq, sepse Solari e zëvendëson duke futur në fushë Asension. Ndeshja e këtij të fundit zgjati shumë pak sepse e la fushën prej dëmtimit. Vaskez pati një rast të mirë, por u ndal nga portieri. Reali nisi të menaxhonte forcat për finalen kundër Al Ain dhe Kashima shkurtoi diferencat në 3-1. U desh ndërhyrja e VAR-it për ta konfirmuar këtë gol.