Bëri Ronaldon të qante, Murijo në skuadrën e Mesit
Kolumbiani shihet i duhuri për të zëvendësuar Umtitin
Xheison Murijo ësh të mbrojtësi i zgjedhur nga Barcelona për të forcuar repartin në merkaton e janarit. Sipas radios “RAC1”, mbrojtësi kolumbian nuk është më në planet e Marselinos dhe prej disa javësh i ka kërkuar largimin në momentin e parë që do të ketë një interes për të. Gazeta “MARCA” mëson se agjenti i ish-mbrojtësit të Interit ndodhet në Valencia duke bërë marrëveshje me drejtuesit për të mbyllur këtë operacion. Klubi katalanas kërkon një mbrojtës për të zëvendësuar dy të dëmtuarit Umtiti-Vermalen dhe gjithçka duket se do të mbyllet shumë shpejt. Murijo shkoi te Valencia në verën e vitit 2017 nga Interi si huazim me detyrim blerjeje për 13 milionë euro. Një vlerë, të cilën Valencia e shleu pak kohë më parë. Murijo qëndroi jashtë fushave të lojës për një kohë të gjatë dhe kjo bëri që ta humbte vendin e titullarit në formacionin e Valencias. Marselino vendosi që ai të mos ishte te të preferuarit e tij. Dukej se gjithçka do të ndryshonte verën e kaluar, por mbeti e njëjta, ose më keq. Murijo luajti vetëm 3 ndeshje këtë sezon (Juventus, Selta Vigo, Ebro) dhe në hierarkinë e mbrojtjes së Valencias ka përpara Garajn, Paulistën dhe Diakabinë. Ai është lojtar polivalent në mbrojtje, pasi përveç qendrës mund të luajë edhe në krahë.
TËRBOI RONALDONKëtë sezon do të mbahet mend vetëm për ndeshjen Valencia-Juventus ku detyroi Kristiano Ronaldon që të largohej nga fusha e lojës me karton të kuq. Pas një konfrontimi mes tyre, portugezi e kapi nga flokët dhe u dënua për gjestin antisportiv me karton të kuq. U largua nga fusha e lojës duke qarë dhe humbi edhe ndeshjen pasardhëse me
Jang Bojsat. Nga janari do të jetë shok skuadre me Leo Mesin, nëse gjithçka do të shkojë mirë në mbylljen e marrëveshjes. Por paraprakisht duket se palët janë në rrugën e duhur për të gjetur gjuhën e përbashkët të transferimit të Murijos në Barcelonë. Edhe aty do të qëndronte në stol, por të paktën do të kishte mundësi të stërvitej me kampionë dhe do të përmirësohej akoma më shumë.