Kampionati shqiptar ka shumë çudira
Ilir Daja është dukur i dorëzuar në fund të Tirana-Flamurtari. Ka pranuar humbjen nga miku i tij Ardian Mema. Në intervistën për "SuperSport" në "Gol pas Goli", Daja ka pranuar se kërkon merkato në janar, por paratë e munguara në skuadër nuk është se kanë ndikuar në ecurinë e ekipit. Sa mendoni se skuadra e vuajti mungesën e Bushiç? Edhe pse me mungesa, që tashmë jemi mësuar, kemi pasur shanset tona, ashtu si edhe kundërshtari. Kemi qenë më shumë në zotërimin e topit. Kemi shtyrë përpara. Na mungonte Bushiç dhe kemi ndryshuar manovrën. Ka qenë një lojë e hapur. I buzëqeshi fitorja Tiranës, mund të na kishte buzëqeshur edhe ne. Lojtarët i falënderova për kontributin që kanë dhënë. Ka qenë një punë intensive. Do ishte e mira të kishim vazhduar serinë e fitoreve. Ky është futbolli do shikojmë që në ditët e ardhshme të shtojmë më shumë dhe do të përpiqemi të përmirësohemi më shumë. Çfarë e pengon skuadrën për të bërë hapin që duhet? Ndeshjen e Fushë-Krujës e kemi mbyllur. Nuk kemi qenë kontingjent i plotë. Edhe kur lojtarët kanë qenë si sot, jo në gjendjen më të mirë fizike. Vijnë nga dëmtimet. Në asnjë vend të botës nuk ndodhin çudira si ajo që ndodhi me Kalenë. Kale mund të fitonte penallti dhe shtrirja e mbrojtësit të Flamurtarit te goli i Tiranës Nuk i mësojmë futbollistët tanë që të kërkojnë penallti. Nuk kemi pasur asnjë gjatë kësaj periudhe. Nuk përcaktojmë asnjëherë kush do të godasë penalltinë, jo më ta kërkojmë. Kjo është evidente. Nuk është faji i lojtarit që shtrihet në zonë, por është faji i atyre që duhet të vijnë në dyfishim markimi, për të mos lënë kundërshtarin të godasë në diagonale. Vazhdimësia te Flamurtari
Do të shpresoj që ngërçi i këtij momenti të zgjidhet për të vazhduar projektin. Nuk mundet që nga një ekip që vjet ka qenë në luftë për mbijetesë të kërkojmë kampionatin. Me kontingjentin që kemi, duke i shtuar përgatitjen e mirë fizike, shpresojmë që të bëjmë akoma më mirë edhe në fazë të dytë, duke shpresuar që të vazhdojë ky projekt. Kemi pak ditë pushime. Do të ndërtojmë një mënyrë të luajturi që të na japë vazhdimësi.