Luftëtari Luftëtari ndal Partizanin, Partizanin, Rama Rama kunj Mezanit: Kështu do luani edhe edhe ndaj ndaj Kukësit...?!
“Demat” “Demat” tjetër tjetër sulm sulm për për Shkurtajn, Shkurtajn, ja ja prapaskenat prapaskenat Drejtori Drejtori i i Partizanit Partizanit konfirmon blerjen e parë: parë: Morëm Morëm Dukën Dukën nga Amerika
Supergola, spektakël, tension dhe lojtarë që përfundojnë në spital. Luftëtari-Partizani i pati të gjitha, në një ndeshje që zgjati afro 100 minuta për shkak të dëmtimeve të portierit Alban Hoxha dhe mesfushorit Behar Ramadani, që u detyruan të shkonin urgjentisht me autoambulancë në spitalin rajonal të Gjirokastrës. Golit të Esat Malës në pjesën e parë pas një lëvizjeje të bukur brenda zonës, iu përgjigj në të dytën me një kryevepër Maldin Ymeraj, i cili dribloi këdo që i doli përpara dhe barazoi shifrat. Ky ishte barazimi i tretë radhazi për Partizanin kampion dimri, por nga mënyra sesi shkoi loja, Luftëtari mund të kishte dalë edhe me tri pikë.
PJESA E PARË - Mungesën e Bruno Telushit në mesfushë trajneri Gega e kishte zëvendësuar me Koten, ndërsa pjesa tjetër ishte thuajse e njëjtë. Luftëtari kishte ndryshuar mbrojtjen dhe mesfushën në krahasim me fitoren në Korçë. Qendërmbrojtësi Nemanja Janiçiç kishte përfunduar në tribunë, ndërsa një vend si titullar e kishte marrë Ymeraj. Starti i lojës është i ekuilibruar, edhe pse të kuqtë kërkonin të shfrytëzonin në maksimum Asanin dhe Malën nga krahët. Luftëtari lë shumë hapësira, veçanërisht në krahun e majtë, aty ku disa herë Xhekson nuk vendoset mirë dhe të kuqtë rrezikojnë. Fillimisht janë gjirokastritët që krijojnë iluzionin e golit me Shkurtajn, i cili godet shtyllën, por aksioni është i pavlefshëm, pasi konsiderohet pozicion jashtë loje. Më pas është Bardhi që gjen rrjetën, por anësori Rexha ngre flamurin. Kote jep sinjalin e parë serioz me një goditje nga afërsia e zonës për të ardhur më pas te kombinimi fantastik i Bardhit me Malën. Ky i fundit bën një veprim mjeshtëror në zonë, duke iu vjedhur Xheksonit, e më pas dribluar Aleksin. Goditja tokazi me të djathtën e kosovarit mposht Ruçin. Reagimi i gjirokastritëve nuk është në lartësinë e duhur, teksa vuajnë shumë në mesfushë, ndërsa Shkurtaj qëndron larg zonës, duke humbur shumë duele me mbrojtësit Belica dhe Atanda. Pjesa e parë mbyllet me një goditje të Asanit që grushtohet nga Ruçi.
PJESA E DYTË - Pas pushimit Luftëtari futet shumë i karikuar në fushë, duke i imponuar Partizanit tërheqjen në gjysmëfushën e vet. Gjirokas-
tritët qarkullojnë mirë topin dhe fitojnë terren në mesfushë. Mezani nxjerr nga loja Milosavljev dhe aktivizon Donald Rapon. Pas presionit të vazhdueshëm nuk vonon as goli i barazimit, që vjen nga një inkursion fantastik në qendër të zonës. Ymeraj driblon njëri pas tjetrit mbrojtësin dhe portierin, duke bërë që stadiumi të shpërthejë. Në momentin më të mirë gjirokastritët humbasin shërbimet e kapitenit Ramadani që del i dëmtuar, ndërsa në lojë futet Donaldo Açka. Më pas dëmtohet edhe portieri Hoxha pas një përplasjeje me Ymerajn. Fundi është dramatik, teksa akordohen nëntë minuta shtesë. Këtu gjirokastritët shpërdorojnë një rast të artë, teksa Donald Rapo bën më të vështirën, në një kohë që mund t’i kishte dhënë tri pikët ekipit.