Ndoji dhe Çani, gola me peshë në Itali
Realizoi në minutën e fundit për fitoren ndaj Kremonezes, mesfushori e ngjit në krye
Mesfushori i Ko mbëtares, Eman uele Ndoji, ka bërë heroin teksa me golin në sekondat e fundit të ndeshjes i ka dhuruar fitoren skuadrës së tij. Në ndeshjen e vlefshme për javën e 17-të, Breshia triumfoi në sfidën ndaj Kremonezes që përfundoi me rezultatin 3-2 dhe protagonist absolut u bë mesfushori kuqezi.
GOLI - Shqiptari është një titullar i padiskutueshëm te bardhekaltrit duke gëzuar një formë të shkëlqyer në ndeshjet e fundit. Ndryshe nga herët e tjera, Ndoji u pozicionua në sfidën e djeshme si trekuartist dhe ia shpërbleu më së miri besimin trajnerit Korini, duke gjetur rrugën e rrjetës. Spalek dhe Bisoli kishin shënuar në fraksionin e parë për vendësit, por Kremoneze rikuperoi gjithçka me dopietën e Piko- los në minutat 53 dhe 78 (me penallti). Por, kur të gjithë prisnin fundin, ishte shqiptari që vendosi. Një aksion nga e djathta bëri që Breshia të insistonte në fund të krijonte rrezik në zonën kundërshtare. Pas një topi të kthyer prej mbrojtësve, ishte Emanuele Ndoji në vendin e duhur në zonë, pasi kishte ndjekur me kujdes vijimësinë. Një goditje me të djathtën në rreth 12 metra, edhe në rrëzim e sipër, përfundoi në rrjetë dhe për Breshian nisi festa. Goli i Emanuele Ndojit e ngjit këtë skuadër në kuotën e 31 pikëve, po aq sa edhe Palermo me të cilën ndan kreun e klasifikimit.
NOTA - Elozhe pa fund për mesfushorin. Emanuele Ndoj ka marrë dje vlerësime nga mediat italiane për çfarë ka bërë në fushë gjatë gjithë ndeshjes dhe jo vetëm për golin. Mesfushori i Kombëtares ishte një nga më të mirët në fushë, teksa u vlerësua edhe me notën 8 nga mediat italiane, të cilat nuk kanë nguruar ta “ngrenë në qiell” 22–vjeçarin që është duke kaluar një formë të jashtëzakonshme. “Një nga më të mirët në fushë! Kur shkon në thellësi është i paparashikueshëm. Në pjesën e dytë ishte më pak i dukshëm, por e administron mirë topin. Në fund gjen golin e fitores si një sulmues i vërtetë. Në atë rrëshqitjen e golit ka gjithçka pozitive, nga vendosmëria te dëshira për të shënuar”, ishte vlerësimi i “Tuttomercatoweb” për shqiptarin e Breshias. Pak kohë më parë, Ndoji iu bashkua kompanisë së Menaxhimit ku është edhe Hysaj, ndaj në të ardhmen nuk përjashtohet një lëvizje e madhe edhe për mesfushorin 22-vjeçar.