Viti i Sopotit, kryebashkiaku bën analizën
Librazhdasit në përmbyllje të fazës së parë të këtij sezoni dhe me rastin e festave të fundvitit kanë organizuar një darkë festive, ku të pranishëm kanë qenë dhe drejtuesit e klubit. Barazimi me Gramshin dhe humbja në Pukë javën e fundit nuk është se lanë një shije të mirë te drejtuesit, por që në darkën e mbylljes janë kaluar dhe sytë janë nga faza e dytë. Në një prononcim të fundit për këtë vit, kryebashkiaku Kastriot Gurra bën përgëzime, por edhe “tërheq veshin”. “Dy ndeshjet e fundit me Gramshin dhe Tërbunin prishën festën për mua këtë vit. Ekipit i janë plotësuar kushtet, ndoshta si asnjë skuadre tjetër në Kategorinë e Dytë. Afruam lojtarët më të mirë që menduam dhe plotësuam me mundësitë tona të gjitha kërkesat e trajnerëve. Por, humbja me Luzin, barazimi me Gramshin në shtëpi dhe humbja në Pukë më bënë të kuptoj se skuadra nuk është në nivelin e pretenduar. Lojtarët duhet ta marrin më seriozisht objektivin për Kategorinë e Parë dhe ta tregojnë këtë, sidomos në ndeshjet me rivalët direkt. Kemi vendosur premio për çdo fitore ndaj kundërshtarëve direkt dhe të vetmen premio që ekipi ka përfituar ka qenë ndaj Partizanit B. Ndërsa tre te tjera i kanë humbur. Me pagat kemi qenë korrektë, ndaj paralajmëroj ekipin që fazën e dytë se, në rast mosrealizimi objektivi, do këtë penalitete. Për fazën e dytë kemi menduar të bëjmë sërish merkato dhe të fokusuar jemi në repartin e mbrojtjes. Me kompletimin e ekipit në merkato nuk pres asnjë justifikim nga ekipi për realizimin e objektivit” përfundoi Gurra. Kujtojmë se në fillim të kampionatit, Sopoti u rikthye në stadiumin e Librazhdit që është rikonstruktuar dhe është në kushte shumë të mira”.