Kombëtarja U-17 sfidon Spanjën dhe Rusinë
Moshat/ Turneu miqësor në Turqi, kundër edhe Maqedonia. U-19, grumbullim në Durrës
Ekipet kombëtare U-17 dhe U-19 do të nisin këtë javë përgatitjet nën drejtimin e trajnerëve të rinj. Sot, Nevil Dede i U19 dhe Elvin Beqiri i U-17 do të dalin në një konferencë për shtyp, kurse më pas do të nisin edhe grumbullimet. Kombëtarja U-17 do të marrë pjesë në një kompeticion që organizohet nga Federata Turke e Futbollit ku do të jenë pjesëmarrëse tetë skuadra. Shqipëria U-17 bën pjesë në Grupin B, së bashku me Spanjën, Rusinë dhe Maqedoninë. Në Grupin A bën pjesë Turqia, Anglia, Azerbaxhjani dhe Moldavia. Ekipi kombëtar U-19 do të zhvillojë një minifazë stërvitore kombinuar edhe me disa ndeshje miqësore gjatë grumbullimit në Durrës. NJOFTIMI I FSHF - "Federata Shqiptare e Futbollit dëshiron t'ju njoftojë se nesër (sot), 7 janar 2019, ditë e hënë, ora 10:00, në ambientet e FSHF do të zhvillohen konferencat për shtyp të trajnerëve të Kombëtareve U-19 dhe U-17, Nevil Dede e Elvin Beqiri, në kuadër të grumbullimeve që U-19 dhe U-17 fillojnë këtë javë. Kombëtarja U-17 do të marrë pjesë në '2019 MERCEDES BENZ AEGEAN CUP', kompeticion që organizohet nga Federata Turke e Futbollit. Në këtë kompeticion marrin pjesë 8 skuadra kombëtare të ndara në dy grupe. Shqipëria U-17 bën pjesë në Grupin B së bashku me Spanjën, Rusinë dhe Maqedoninë. Në Grupin A bën pjesë Turqia, Anglia, Azerbajxhani dhe Moldavia. Ndeshjet zhvillohen në 14, 15 dhe 17 janar. Kombëtarja U-19 do të zhvillojë një minifazë stërvitore të kombinuar me disa ndeshje miqësore gjatë grumbullimit në kompleksin 'Tropikal' në Durrës", ka njoftuar dje zyra për shtyp e FSHF.