Agim Ibraimi mban në ankth “demat”
“Më do edhe një ekip tjetër në Superiore, por gjithashtu Shkëndija. Të shohim se çfarë
Agim Ibraimi mban në ankth Partiza nin. Një ditë pasi “Panorama Sport” publikoi lajmin ekskluziv për ofertën që klubi i kuq i ka bërë fantazistit, vjen edhe reagimi i vetë lojtarit. I kontaktuar dje nga gazeta, 30-vjeçari që ka prishur së fundmi kontratën me klubin slloven, Domzhale, konfirmoi se ka biseduar me Partizanin. Mirëpo, ai zbuloi se nuk është vetëm klubi i kuq që e kërkoi. Disa ekipe janë në garë për shërbimet e tij dhe Ibraimi sqaron se nuk ka vendosur ende se ku do të vazhdojë karrierën. “Për të qenë i sinqertë, nuk është vetëm Partizani që më kërkon, por edhe një skuadër tjetër e kampionatit shqiptar. Është herët për të thënë se ku do të shkoj, pasi po ashtu kam pasur një ofertë edhe nga Shkëndija e Tetovës, klubi ku unë jam rritur. Gjithashtu, klube nga Arabia më kanë kontaktuar, por të shohim se çfarë do të bëhet”, deklaroi dje fantazisti nga Tetova, i cili ka arritur të luajë edhe në Serinë A me Kal- jarin në sezonin 2013-2014. Kjo nuk është hera e parë që klubi i kuq tenton të afrojë në skuadër Ibraimin. Edhe në janar të vitit 2017, drejtuesit e Partizanit i bënë një ofertë të çmendur lojtarit, por edhe pse në parim arritën një marrëveshje, sebep që gjërat të mos konkretizoheshin, u bënë në atë kohë problemet kontraktuale që Ibraimi kishte me klubin kazak, Astana. Në dy sezonet e fundit, ai ka luajtur me Domzhalen dhe tashmë është futbollist i lirë pa detyrime ndaj klubit slloven. Ashtu siç pranoi vetë Ibraimi, në lojë për të është futur edhe Shkëndija e Tetovës, që tashmë pret vetëm një “po” nga futbollisti, pasi ia ka bërë me kohë ofertën. 30-vjeçari ka si rol të preferuar atë të sulmuesit të dytë, por mund të përshtatet fare mirë në të dyja krahët e ofensivës. Ai ka luajtur edhe 39 ndeshje me fanellën e Maqedonisë, duke shënuar 7 gola.