Flamurtari, Bushiç ankohet në FIFA
Kaos total në lorë, sulmi "atomik" drejt shpërbërjes, në dilemë edhe Daja
Ju kujtohet që në fillim të sezonit Flamurtari kishte projektuar sulmin "atomik": Bushiç-KaleAlvesh-Torasa? Epo ja që kanë mjaftuar disa muaj pa u paguar dhe skuadra vlonjate është futur në një spirale të rrezikshme. Nuk flitet më as për sulm cilësor dhe as për skuadër pretendente, por për mbijetesë. Thjesht për mbijetesë... Dilemat e mëdha për të ardhmen e klubit, duke qenë se Idrizi ka vendosur të investojë vetëm nëse do të privatizohen asetet, e kanë kolavituar akoma më shumë të ardhmen. Po, sepse dje mësohet se Tomislav Bushiç, sulmuesi kryesor dhe kapiteni i skuadrës së Flamurtarit, ka njoftuar FIFA-n se ka disa muaj pa u paguar dhe se kërkon shlyerje të menjëhershme ose largim nga klubi kuqezi. PARALAJMËRIMI
Bushiç i pati dhënë një sinjal Idrizit ende pa u mbyllur dhjetori se i kishte bërë si duhet detyrat dhe se meritonte të paguhej. Nën zë, kapiteni dhe një pjesë e skuadrës vunë në dukje se nuk do të paraqiteshin në grumbullim nëse lojtarët nuk do të merrnin paratë e muajve të fundit. Asgjë nuk ndodhi, por gjithsesi futbollistët, me përjashtim të Danilo Alveshit, u paraqitën në 8lorë dhe nisën stërvitjen, me shpresën se diçka do të ndryshonte, por në fakt gjërat janë njësoj si më parë.
"SHPËRTHEN" KAPITENI
Bushiç nuk ka duruar më dhe dje ka njoftuar nëpërmjet një shkrese federatën dhe FIFA-n për gjendjen ku ndodhet dhe bën me dije se do të kërkojë largimin nga Flamurtari. Kjo mund të evitohet vetëm nëse klubi e paguan sulmuesin kroat, por e gjitha mbetet për t'u parë. Në këtë mënyrë, skuadra vlonjate merr edhe një goditje psikologjike, pasi Bushiç është kapiteni i skuadrës dhe një nga lojtarët e rëndësishëm të Dajës. SITUATA KRITIKE
Danilo Alvesh refuzon të vijë nga Brazili në 8lorë derisa të marrë rrogat që i takojnë. Ai madje i dogji klubit edhe biletën që i kishte rezervuar pak ditë më
parë. Bushiç e çon në FIFA Flamurtarin gjithashtu për shkak mosshlyerjes së pagesave dhe me gjasë nuk do të jetë i vetmi. Në këto kushte, edhe Ilir Daja me stafin e tij ka shumë mundësi të meditojnë largimin ose ndoshta kanë filluar prej kohësh ta bëjnë këtë. Motivi është i qartë: një skuadër e projektuar për të qenë konkurruese dhe me lojtarë cilësorë, nuk mund të vazhdojë më pa u paguar. Idrizi ka pa dyshim përgjegjësinë kryesore për situatën e krijuar, sepse projekti është
nisur dhe ka vazhduar sipas vizionit të tij. Ndërkaq, edhe bashkia nuk mund të qëndrojë indiferente, për sa kohë administratori i klubit bën me dije se nuk do të vazhdojë të investojë më në "tym". Bashkia e ka detyrim moral së pari që t'u bëjë të
qartë qytetarëve të 8lorës se cili është plani i saj. Do ta privatizojë klubin sipas kushteve që kërkon Idrizi, do ta privatizojë në forma të tjera, apo do ta lërë kështu siç është duke parë sesi futbollistët njëri pas tjetrit do fillojnë eksodin e rrënimit.