Atletiko Madrid në avantazh ndaj Çelsit, ja pistat për Hysajn
"Divorc" në ajër me napolitanët, mbrojtësi drejt Spanjës
Hysaj dhe Napoli janë drejt "divorcit". Çdo ditë e më shumë, ky është një lajm që merr konfirmime nga burime të ndryshme informacioni. Së fundmi, si të mos mjaftojnë deklaratat dhe shpërthimet e agjentit të lojtarit, kanë dalë të dhëna në lidhje me pistat e mundshme që mundësojnë transferimin e mbrojtësit të Kombëtares drejt Spanjës dhe që Atletiko Madrid mund të kalojë Çelsin dhe interesimin e Sarrit.
VARIANTET - Së pari, Çelsi dhe Mauricio Sarri kanë nisur prej kohësh që të interesohen për Hysajn. Mirëpo, problem për këtë lëvizje bëhet marrëveshja mes presidentit De Laurentis dhe ishtrajnerit në momentin e largimit, që ky i fundit nuk do të kërkojë shërbimet e futbollistëve napolitanë drejt Londrës, pasi në të kundërt duhet të shlyejë një gjobë të majme. Kjo ka bërë që Atletiko Madrid të futet seriozisht në garë. Pista e parë që e shtyn këtë tratativë është lidhja e ngushtë miqësore mes dy drejtorëve sportivë. Nga sa raporton "Calcionapoli24", Guintoli i Napolit dhe italiani që mban postin e drejtorit të Atletiko Madrid, Andrea Berta janë miq dhe kjo mund të bëjë që spanjollët të vihen në lëvizje në momentin e duhur, për të kaluar në avantazh.
INTER - Skuadra zikaltër është një nga variantet që mund ta suportojë largimin e Hysajt drejt Spanjës. Sime Vrsaljko, mbrojtësi anësor që duhet të blihet zyrtarisht nga Interi në fund të sezonit, lë një vend bosh tek anësorët në dispozicion të Diego Simeones. Për këtë, kur gjasat duken se zikaltrit do ta ushtrojnë të drejtën e blerjes, atëherë Atletiko Madrid mund të futet në tratativa për Hysajn.