Interi do Krosin dhe Modriçin, Mou gati ta “plaçkitë”
Mou armik nëse merr Realin, tenton Ikardi-Shkrinjar
Fija e hollë që mban të lidhur Luka Modriçin me një transferim të mundshëm tek Interi që nga muajt e verës nuk është këputur ende... Përkundrazi, është bërë më e fortë. Rezultatet e dobëta në Madrid, refuzimi i rinovimit të kontratës, deklarata e fortë kundër shokëve të skuadrës janë të dhëna që bëjnë me krahë tifozët dhe drejtuesit e Interit. Ata nuk e kanë braktisur kurrë këtë pistë dhe kërkojnë që të intensifikojnë bisedimet për ta transferuar fituesin e "Topit të Artë" në Milano. "Interi në kërkim të arit", kështu e titullonte lajmin "Gazzeta dello Sport" që shpjegonte se këtë herë me prezencën e Marotës dhe me Zhangun president do të ndiqet një tjetër strategji, ajo e diplomacisë. Në verë Perez u tërbua, ndërsa tani mund të ulet të bisedojë me drejtuesit zikaltër sepse ka interesa të tjera... Nuk dihet ende se cila është formula për ta transferuar mesfushorin kroat në Milano, por kontrata e tij përfundon vitin e ardhshëm. KROS PËR IKARDINNuk janë krosime për sulmuesin e Interit, por një shkëmbim i mundshëm që mund të ndodhë në merkaton e verës. Ky është lajmi i bujshëm që raporton "Corriere dello Sport". Krahas interesimit për Luka Modriçin, Interi është duke bërë një sondazh edhe për Toni Krosin, i cili gjithashtu duket se e ka humbur lumturinë në Madrid dhe kërkon të nisë një tjetër aventurë. Zikaltrit janë gati që ta transferojnë, por në këtë pikë dorëzohen përballë kërkesës së presidentit Florentino Perez. Sepse ky i fundit nuk ka ndërmend ta lërë të lirë nëse Interi nuk i jep kapitenin Ikardi.
Një shkëmbim kokë më kokë. Po Modriç? Ai nuk përfshihet në këtë temë. Është tjetër çështje dhe nuk përjashtohet mundësia që të transferohet bashkë me Krosin në Milano. Topi është në duart e drejtuesve të Interit, që duhet të zgjedhin mes një mesfushori kalibri si Kros apo mes një bomberi si Ikardi.
Si të mos mjaftojë një largim i mundshëm i Ikardit, një tjetër armik fshihet pas derës së Interit. Bëhet fjalë për Zhoze Murinjon, i cili nëse merr drejtimin e Realit kërkon garanci për merkaton. Në Spanjë bëjnë me dije se "Special One" ka pranuar të rikthehet që tani në
MURINJO ARMIK-
Madrid dhe të drejtojë skuadrën. Ai kërkon Milan Shkrinjarin për mbrojtjen dhe mendon se është i duhuri për të zgjidhur problemet në këtë repart. Atëherë Interi do të detyrohej të largonte dy elementë shumë të rëndësishëm... Diçka e vështirë, por jo e pamundur për një ekip që njihet për gafa në merkato.