Todibo, një “gjigant” për Barçën

Mbrojtësi 191 cm, një aksident i rrezikoi karrierën. Idhudh ka Tiago Silvën

Mungonte vetëm zyrtarizimi që nuk vonoi. Nga dita e djeshme Zhan Kler Todibo është një lojtar i Barcelonës, edhe pse për të veshur ngjyrat “blaugrana” do duhet të presë 1 korrikun. Mbrojtësi i lindur në Kajen, kryeqytet i Guajanës Franceze, është blerja e parë e klubit katalanas për sezonin 2019-’20, do largohet nga Tuluza në fund të kampionatit pas skadencës së kontratës për të nisur aventurën e re në La Liga.

MPOSHTEN JUVJA DHE NAPOLI – Pra, konfirmimi qarkullonte prej kohësh. Barça mposhti konkurrencën duke lënë “thatë” Juventusin (që kishte disa muaj që e ndiqte) dhe Napolin, që në fund u dorëzua duke kuptuar ndoshta se rruga për të siguruar qendërmbrojtësin ishte më e ndërlikuar nga se parashikohej.

NJË “GJIGANT” NGA LIGA 1 – Në pasaportën e tij lexohet 30 qershor 1999, një muaj e një ditë pas datëlindjes së 100-të të Barcelonës. Todibo është rritur mes rangjeve të “FC Les Lilas 93”, klub i themeluar në 1947-ën në StDenis, qytet pranë Parisit. Debutoi në futbollin profesional 19 gushtin e 2018-ës kundër Bordosë, në moshën 19 vjeçare, ndeshje ku tifozët i kushtuan ovacione pas përfundimit në momentin e daljes nga fusha. Ka shënuar golin e parë (dhe momentalisht të vetmin) si profesionist 30 shtatorin e kaluar kundër Ren në Ligën 1. Zotëron karakteristika fizike imponuese (i gjatë 191 centimetra) dhe aftësi teknike të theksuara nga prapavija (ka nisur karrierën, në fakt, si mesfushor përpara mbrojtjes) falë fizikut i tij, i bashkuar me sensin e pozicionimit dhe pasimet e sakta, e krahasojnë me Rafael Varan, yllin e mbrojtjes së Realit të Madridit dhe Francës kampione bote në fuqi. Ku së shpejti mund ta përkrahë.

AKSIDENTI DHE IDHUJT - Kur ishte vetëm 8 vjeç, pësoi një aksident me makinë me pasojë fraktura të ndryshme në këmbë dhe kavilje, që thuajse i rrezikoi karrierë. Si idhuj të deklaruar, Andrea Pirlo dhe Tiago Silva.