Kukësi, Shkurtaj e nis me asist
Vetëm Rroca luan titullar, ndërsa sulmuesi bëhet protagonist në pjesën e dytë te goli i Çyrbjes
Kukësi e nis me hum bje vitin 2019, por blerja e bujshme, Vasil Shkurtaj, bëhet protagonist si zëvendësues, duke dhënë asistin e golit të vetëm që u shënua nga Arbër Çyrbja në pjesën e dytë. Kundërshtari i parë në minifazën turke, Istanbul Basaksehir, rezultoi shumë i fortë për Kukësin. Megjithatë, kjo pritej, pasi bëhet fjalë për klubin që kryeson kampionatin dhe është shpallur kampion dimri në Turqi. Ishskuadra e Sokol Cikalleshit shënoi në pjesën e parë me Bajiç, ndërsa në të dytën dyfishoi me Epureanu. Afër fundit, pas një kundërsulmi të Kukësit, Shkurtaj lëvizi mirë brenda zonës, duke nxjerr blof portierin dhe shërbyer te Çyrbja, që vulosi ndeshjen me shifrat 2-1.
SKEMA NUK NDRYSHON - Vetëm një prej blerjeve nga Luftëtari e nisi nga minuta e parë miqësoren e djeshme. Bëhet fjalë për fantazistin Eduard Rroca, i cili zuri vend në skemën 3-4-3 të Cungut. Trajneri nuk e ndryshoi variantin taktik, duke i besuar Rexhinal-
dos në majë dhe Ethemit e Melos nga krahët. Krasniqi, Shameti dhe Cuculi ishin në mbrojtje, ndërsa në mesfushë Maliqi dhe Rrumbullaku nga krahët, si dhe Dzaria e Rroca në qendër. Përballë ishte një skuadër me yje si Arda Turan dhe Robinjo, që u aktivizuan
vetëm në pjesën e dytë. Goli i parë nga Bajiç u kontestua nga kuksianët, teksa pretendohet për pozicion jashtë loje. Ndërsa, goli i dytë i shënuar nga Epurenau erdhi nga një goditje dënimi. Në pjesën e dytë Cungu bëri disa ndryshime, teksa Shkurtaj zëvendësoi
Rexhinaldon, e më pas u futën njëri pas tjetrit Maloku, Basha, Qaqi, Çyrbja, Kalaja, Shafik dhe Limaj. Pavarësisht përpjekjeve të të dyja skuadrave për të shënuar gola të tjerë, ndeshja u mbyll 2-1 për Istanbul Basaksehirin, një kundërshtar që nuk është hera e parë që përballet me Kukësin në Antalia. Madje, verilindorët kanë luajtur ndaj turqve edhe kur te këta të fundit ka bërë pjesë Cikalleshi. Në këtë moment të minifazës përgatitore, kuksianët kanë marrë ngarkesë në stërvitje, prandaj dhe stafi nuk priste ndonjë mrekulli dje.