Simeone, me pagën e re mund të mbajë 10 breza me bukë
Përpara sfidës me Juventusin, Atletiko e Madridit i ka konfirmuar besimin e plotë Diego Pablo Simeones, duke e shndërruar atë nga sezoni i ardhshëm në trajnerin më të paguar në botë, me kontratën e re që do t’i garantojë atij 24 milionë euro në vit. Dhe duke u nisur nga shifra e frikshme, vjen natyrshëm të fantazosh se çfarë mund t’i lejojë vetes argjentinasi ose thjesht për të bërë krahasimin e parë, ai fiton sa Koke, Saul, Oblak dhe Godin të marrë së bashku, apo akoma më shumë, ai mund të paguante i vetëm të gjitha pagat sezonale të klubit të Vajekanos, të cilin e mundën pasditen e djeshme 1-0. 44 LAMBORXHINI 24 milionë euro vjetore do të thonë 2 milionë euro në muaj për trajnerin, i cili duke bërë disa llogari të vogla, mund t’i lejojë vetes disa shpenzime të çmendura, si për shembull blerjen e jo një, por katër Lamborxhini çdo 30 ditë ose nëse do të flasim për marka normale, ai do t’i garantonte vetes blerjen e 20 makinave në muaj. Me pak fjalë, Diego Simeone nuk do të rrezikojë kurrë që të mbetet në këmbë me pagën e re. TELEFONA DHE USHQIM Gjithsesi, njeriu nuk jeton vetëm për makina. Në botën e sotme është bërë jetik komunikimi, çatimi... Dhe nëse do, trajneri i Atletikos mund t’i lejonte vetes që të humbte 100 telefonë në ditë, sepse me 66 mijë eurot që i takon të fitojë çdo orë, ai mund të blejë qetësisht 106 celularë, të cilët nëse i shumëzojmë për 365 ditë që ka viti, shifra do të shkonte në gati 40 mijë aparate në vit. Po sikur argjentinasi të kishte uri? Asnjë problem... Në një vit, “Çolo” Simeone mund t’i lejojë vetes të konsumojë 3 milionë menu të plota, pra gjithçka ofron për të ngrënë dhe për të pirë, një “fast food” ose, nëse kërkon diçka më të shëndetshme, atëherë mund t’i lejojë vetes 60 panine me djathë kaçkavall dhe proshutë në minutë. E përkthyer në një shifër edhe më të çmendur: mund të garantojë këtë ushqim për 10 breza me radhë me nga tri vakte në ditë. Prandaj, të mos thuhet se Atletiko lejon trajnerin e saj që të “vdesë” urie...