Përplasjet në Champions, CR7 ka fituar 4 nga 6

Emocionet për Atletiko–Juventus sa vijnë e shtohen, por në pritje që të dyja skuadrat të ndeshen të mërkurën në fushë, për duelin e vajtjes është koha për të studiuar bilancet dhe statistikat e duelit. Në stadiumin “Vanda Metropolitano” të Madridit rreziku numër një për vendësit do të jetë Kristiano Ronaldo, i cili gjatë viteve në Spanjë ka qenë një makth i vërtetë për djemtë e Diego Simeones. * Ndeshjet që ai ka luajtur kundër Atletikos janë 31, në të cilat portugezi aktualisht te Juventusi ka shënuar 22 gola, të shpërndarë në kompeticione dhe stadiume të ndryshme. Nga këta, CR7 i ka shënuar Atletikos 11 në “Santiago Bernabeu”, 10 në fushën e “kushërinjve” dhe një tjetër në Lisbonë, në stadiumin “Da Luz”, teatri i finales së Champions-it në vitin 2014, ku i mundën 4-1 “Colchoneros”-at, në kohën shtesë. * Për 34-vjeçarin edhe bilanci është shumë pozitiv: 14 fitore kundër Atletikos, 9 barazime dhe 8 humbje. * Në 16 derbit e luajtur në kampionat, Ronaldo ka humbur vetëm 4 * Për Kristiano Ronaldon nuk do të jetë hera e parë që përballet në fazën finale të Ligës së Kampionëve me Atletikon e Madridit. Portugezi i ka pasur përballë në 6 raste, me një bilanc prej 4 fitoresh, 1 barazimi dhe një humbjeje. Prej katër fitoreve dy kanë ardhur në finale: në 2014-ën në Lisbonë, 4-1 në kohën shtesë dhe në vitin 2016 në “San Siro”, ku triumfoi në lotarinë e penalltive, pasi 120 minutat ishin mbyllur në barazim 1-1. Dhe madje, ishte Ronaldo ai që goditi saktë penalltinë e fundit që dhuroi trofeun. Përveç finaleve, Kristiano e ka mundur Atletikon dhe në gjysmëfinalen e edicionit 20162017; 3-0 në “Bernabeu” me tripletë të CR7 dhe në kthim pësoi një humbje pa dhimbje, 2-1.