E vranë Partizanin në Laç apo vrau veten...?
Të kuqtë i mbeten besnikë strategjisë së re për këtë sezon
I shte apo nuk ishte pe nallti ajo kundër Partizanit? Duket sikur është dilemë, por, me gjasa, është trilemë. Ajo që bëri më shumë bujë se vetë penalltia imagjinare, ishte fraza e trajnerit Gega se "ndeshja vdiq...
Partizani ka vendo sur të punojë në heshtje këtë sezon, duke thyer tabunë, pasi në sezonet e shkuara nuk kanë munguar thumbimet dhe batutat me kundërshtarët, apo "betejat e zjarrta" me FSHFnë. Kjo gjë u pa që në fillim të sezonit, ku ndonëse pas javës së katërt të kuqtë ishin ndëshkuar me pa të drejtë nga gjyqtarët, duke u dhënë penallti kundër, apo duke u mohuar 11-metërsh në Laç. Ata në asnjë rast nuk u ankuan për arbitrat. Në numrin e datës 18 shtator 2018, "Panorama Sport" paraqiti një analizë të situatës me titullin: "Ndryshon strategjia e kuqe, Partizani 'pakt' me federatën". Pas këtyre "gërricjeve" të fillimit, marshimi i të kuqve vijoi në qetësi dhe ekipi bënte punën e tij në fushë dhe me meritë mori rezultatet që ka deri më tani. Por, së fundmi shikohet se ndaj të kuqve kanë nisur të aktivizohen disa "hije" të së shkuarës, megjithatë, qëndrimi i klubit mbetet i njëjtë. Ka klube, kryesisht presidenti i Kukësit, Safet Gjiçi, që i thumbon në distancë, madje para dy ditësh doli edhe hapur që Partizani merret vetëm me ata, por të kuqtë nuk i japin asnjë përgjigje. Në Laç "demat" u mundën nga një penallti e paqenë, por ndonëse kanë kaluar tri ditë nga ai takim, sërish nuk ka asnjë reagim nga klubi kryeqytetas. "Panorama Sport" u mundua dje të marrë një reagim nga drejtuesit e lartë për presionin që presidenti i Kukësit po ushtron ndaj tyre, si dhe për gabimet e gjyqtarëve të evidentuara në ndeshjen e fundit në Laç, por asnjë nuk dha përgjigje. I vetmi që ka thënë diçka për transfertën e Laçit ka qenë trajneri Skënder Gega, i cili pohoi se penalltia ndikoi në rezultat dhe pas atij momenti futbolli "vdiq". Heshtja aktuale tregon edhe një herë atë që "Panorama Sport" paralajmëroi para pesë muajsh, ku lë të kuptosh se është riaktivizuar "pakti" i Partizanit me FSHF-në. Të kuqtë duket se kanë nxjerrë mësim nga betejat me FSHFnë, pasi në 5 sezone vetëm kanë dalë të humbur. Madje, ish-tekniku Sulejman Starova, pohoi se në kohën kur ai ishte trajner ka pasur urdhër nga federata që të mos dëgjohej emri i Partizanit. Ndërsa për heshtjen aktuale të klubit, Starova në emisionin "Rubrika Sportive" u shpreh: "Po të mos flasësh, i bie që ti pranon se je humbës. Të rrish urtë sot, të jesh anglez, bravo të qoftë. Relatat e Partizanit me federatën kanë qenë më të ashpra, tani janë zbutur".