Presion dhe gjyqe, Idrizi: E mundim Partizanin
Kaosi me rrogat, Koliçi bën gati letrat dhe njofton federatën
Agustin Torasa ësh të larguar nga Fla murtari për të nisur një aventurë të re në futbollin kinez. Kur mendohej se nesër do të ishte përballë ishskuadrës në “Selman Stërmasi”, tani argjentinasi uron Partizanin, të cilin dëshiron që ta shikojë kampion në fund të sezonit. Agustin Torasa u bë pjesë e futbollit shqiptar në janar të 2016-ës, kur veshi fanellën e Partizanit. Për një sezon e gjysmë, argjentinasi ishte ndër më të spikaturit te “demat”, por mosfitimi i titullit kampion mbetet peng për atë, por njëkohësisht edhe një eksperiencë e paharrueshme. Respektin për Partizanin, Torasa e tregoi edhe pas largimit të papritur nga Vlora, ku para se të nisej për në Kinë, takoi presidentin e Partizanit, Gaz Demi, të cilin e konsideron një mik të tijin. “Panorama Sport” ka arritur që të kontaktojë me ish-sulmuesin e kuq për të mësuar shkaqet e largimit nga Flamurtari në Kinë, largim i cili erdhi para ndeshjes me Partizanin, takimin me presidentin e të kuqve, Gaz Demi, si dhe cilin shikon si kampion. Duke qenë se po merrej me procedurat e firmosjes së kontratës te Janbian Funde, Torasa nuk preferoi të zgjatej shumë në përgjigjen e tij. “U largova drejt Kinës pasi mora një ofertë të mirë. Para se të largohesha nga Shqipëria, unë kam qenë me Gaz Demin, sepse ne kemi një marrëdhënie të mirë mes nesh. Pra, ka qenë një takim mes miqsh. Sa i përket Partizanit, uroj që këtë vit të dalë kampion, sepse ka një ecuri të mirë në kampionat. Uroj që të ketë fat, pasi ky është viti i duhur për të fituar titullin”, u shpreh për “Panorama Sport” ish-sulmuesi i të kuqve, Agustin Torasa. Me Partizanin, Torasa luajti 50 ndeshje në kampionat, ku edhe shënoi tre gola.