I kushtëzuar prej të huajve, Radas kthehet titullar

Skënderbeu ka mbyllur përgatitjet dhe është gati për të pritur Tiranën. Orges Shehi ka bërë disa ndryshime për këtë 90-minutësh. Mes dilemave dhe mungesave shtohet si problem edhe numri të huajve (8 konkretisht). Për këtë arsye, trajneri ka zgjedhur që të hedhë në fushë sërish Dajsinanin në portë dhe para tij do të luajnë nga minuta e parë Radas me Abazin në krahë dhe Sambout e Pëllumbi në qendër të mbrojtjes. Me dy të huaj në prapavijë, trajnerit bardhekuq i mbeten vetëm 2 vende të lira për ekstrakomunitarët. Numër, të cilin do ta kompensojë në mesfushë. Taipi dhe Pervan do të jenë të përzgjedhurit, të cilët do të luajnë si titullarë bashkë me Ditën. Ndërsa në sulm pritet Muzaka nga e djathta, e Gripshi majtas, ndërsa Krasniqi në “majë”. Këto janë zgjedhjet e detyrueshme të trajnerit, i cili ka menduar që të aplikojë edhe skemën 4-3-3.