Ritëm dhe porosi për pathyeshmërinë
Teuta ka vijuar përgatitjet me ritëm të lartë edhe dje. Nën drejtimin e Bledi Shkëmbit, skuadra ka kryer një seancë të larmishme mes taktikës dhe teknikës, por pa lënë pas dore edhe porositë. Stafi teknik pret pathyeshmërinë edhe nga kjo javë dhe për të mos humbur terren në renditje, fitorja mbetet objektivi i vetëm. Në Durrës të gjithë kanë besimin se do t'ia dalin, pavarësisht se luhet në një nga transfertat më të vështira të kampionatit. Të diferencuar nga ekipi kanë punuar Vecaj dhe Vajushi që vuajnë nga i njëjti dëmtim në gju. Të dy shkodranët kanë vullnetin e plotë për t'u rikthyer sa më shpejt në dispozicionin e ekipit dhe për të qenë sa më parë nën urdhrat e trajnerit.