ALBPETROLI

Albpetroli e ka hedhur pas krahëve fitoren ndaj Skraparit, teksa u është rikthyer përgatitjeve për sfidën ndaj Maliqit. Ekipi është i kompletuar. Në një prononcim për "Panorama Sport", mesfushori Redian Hatia shprehet: "Jam i lumtur që shënova golin e parë ndaj Skraparit. Kjo më jep qetësi dhe vazhdimësinë time me Albpetrolin. Nuk i trembemi kundërshtarit që do të kemi përballë në sfidën tjetër. Megjithatë, ne do t'i qëndrojmë deri në fund objektivit tonë për të zënë një nga dy vendet e para. Ka ende takime deri në fund dhe duhet të qëndrojmë me këmbë në tokë".