GRAMSHI

Të dielën, gramshakët do të përballen në transfertë me Luzin. Për "Panorama Sport", numri një i portës së të kuqve, Argjend Hasfatija, thotë: "Pas pushimit në javën e parë, të dielën na pret një përballje shumë e fortë dhe tepër e vështirë. Por, unë jam i bindur se do ta kalojmë me sukses këtë takim dhe do të kthehemi me duart plot në Gramsh. Si gardian i portës, unë e kam kyçur katërkëndorin dhe lojtarët e Luzit ta harrojnë golin në portën time. Nuk kemi rrugë tjetër veç tri pikëve dhe do t'i marrim ato patjetër. Ne kemi një objektiv madhor, ngjitjen në të Parën".