Objektivi i realizuar, Mëziu thur elozhe për Korabin
Drejtori sportiv i Korabit, Fehmi Mëziu, është krenar për ekipin dibran. “Të punosh me njerëz që e duan futbollin dhe e kanë pasion atë, është privilegj. Ky sezon është ndryshe nga të tjerët. Kemi punuar fort në një kohë rekord. Ekipi u konsolidua shumë shpejt dhe pati ndërthurje të lojtarëve me eksperiencë me ata të rinj. Ndeshje pas ndeshje prodhuam lojë të bukur dhe rezultative. Kjo, pavarësisht problemeve dhe vështirësive financiare. Që në fillim të sezonit, ekipi u pozicionua në pesëshen e parë dhe këtë e arritëm falë punës kolektive. Jam shumë i lumtur për këtë ekip, që përfaqëson komunitetin dibran dhe i dhuron atij emocione. Dua të falënderoj trajnerin Dorian Bubeqi, zëvendësin e tij, Donald Mëziu. Një falënderim i veçantë shkon për futbollistët”, ka thënë Mëziu.