Shqipëria njeh rivalët "Euro 2021"
Dje, në Nion të Zvicrës u hodh shorti i eliminatoreve të Kampionatit Europian për futbollin e femrave "Euro 2021". Shqipëria do të jetë në Grupin E së bashku me Skocinë, Finlandën, Portugalinë dhe Qipron. Menjëherë pas hedhjes së shortit, është përcaktuar edhe kalendari i plotë i eliminatoreve. Ekipi Kombëtar shqiptar i drejtuar nga Vioresin Sinani do të fillojë ndeshjet eliminatore në 2 shtator 2019 kundër Finlandës në shtëpi, ndërsa ndeshja e mbyllëse e fazës eliminatore do të zhvillohet në 22 shtator 2020, me takimin ndaj Portugalisë jashtë fushe. Finalet e Europianit "Euro 2021" për femrat do të zhvillohen në muajin korrik në Angli.