Sekretari Çakalli: Ministria ka tri vjet që s'na jep asnjë lek
Sekretari i përgjithshëm i federatës së hendbollit, Armand Çakalli, akuzon Ministrinë e Sporteve, ku shprehet se ky institucion i ka lënë në harresë duke mos dhënë asnjë mbështetje financiare. Në një prononcim për "Panorama Sport", Çakalli deklaroi: "Tashmë jemi në prag të kampionatit, por ndonëse po punojmë shumë si federatë, Ministria e Sporteve nuk na ka aspak në konsideratë. Ky institucion ka tri vjet që nuk ka dhënë asnjë gjysmë leku për sportin e hendbollit. I kemi dërguar shkresa, ku paraqesim punën tonë, por përsëri përgjigje negative nuk e di pse. Ne si drejtues të federatës nuk kemi marrë asnjë rrogë për tri vjet dhe po punojmë vullnetarisht, gjithashtu asnjë financim për garat brenda dhe jashtë Shqipërisë që kemi pasur dhe kemi aktualisht. Po sakrifikojmë nga xhepi ynë për të mos e humbur dhe fikur këtë sport të bukur", tha Çakalli.