Rei Manaj nuk dorëzohet, i fashuar në stërvitje

Gjatë një seance stërvitore doli i dëmtuar nga fusha dhe me lot nga dhimbjet, një ditë më vonë ka nisur sërish përgatitjet me Albaseten. Rei Manaj ka treguar edhe një herë tjetër vendosmërinë dhe grintën për të mos u dorëzuar, por të jetë në dispozicion të skuadrës, e cila po lufton për t’u ngjitur në Serinë A. Gjatë seancës të së mërkurës, lojtari i Albasetes u dëmtua në stërvitje pas një ndërhyrjeje të rëndë që Sulei Muntari i bëri. Manaj është rikthyer sërish dje nën urdhrat e trajnerit dhe mendohet se do të jetë gati për ndeshjen e radhës në kampionat. Ai ka fashuar këmbën e dëmtuar dhe është stërvitur me skuadrën normalisht. Ky është dëmtimi i dytë për Manajn në pak muaj. Pak kohë më parë, ai pësoi një dëmtim të frikshëm në kokë dhe pjesën e fytyrës, që e detyroi të kryente ndërhyrje kirurgjikale në hundë.