“Rindizet” pasioni, Milani mendon për Bruno Fernandes
Nga merkato e verës na ndajnë më shumë se tre muaj, por kjo nuk e pengon Milanin të studiojë strategjinë për t’u ndjekur për përforcimet. Sipas portugezëve të “Correio de Manha”, klubi kuqezi ka rishfaqur interes për sulmuesin Bruno Fernandes të Sportingut të Lisbonës. Lojtari ishte në listën e Leonardos që në verën e kaluar, kur klubi luzitan po përballej me një eksod futbollistesh. Fernades qëndroi në kryeqytetin portugez dhe deri tani e ka shpërblyer me 21 gola në të gjitha kompeticionet. Përvoja në Itali me Sampdorian dhe Udinezen e bën edhe më të preferuar për Milanin, teksa 24vjeçari mund të bëjë disa role. Sulmues ose mesfushor krahu pak rëndësi ka, driblimet dhe sprintet janë pika e tij më e fortë, teksa është edhe një goditës i mirë nga distanca.