Gafa e Kardifit, nuk iu pagua as siguracioni
Familja e Emiliano Salas rrezikon që të mos përfitojë deri në 600 mijë paund kompensim për vdekjen e sulmuesit argjentinas, për shkak të një gafe administrative të bërë nga klubi i Kardifit. 28vjeçari humbi jetën tragjikisht teksa kthehej nga Nanta drejt Kardifit më 21 janar, kur avioni i tij u rrëzua mbi Kanalin e La Manshit, dy ditë pas transferimit rekord të klubit uellsian për 15 milionë paund. Por tani, familja e Salas rrezikon që të mos e përfitojë kompensimin e siguracionit të jetës së tij, për shkak se klubi uellsian ka bërë një gabim në regjistrimin e kontratës së tij në Premier Ligë. Zyrtarët e Premier Ligës i kthyen disa dokumente klubit të Kardifit me nevoja korrigjimi dhe Sala presupozohej të rifirmoste. Federimi në Premier Ligë i përfshin automatikisht lojtarët në skemën e pensionit, e cila përfshin një kompensim prej 600 mijë paundësh për familjen në rast vdekjeje.