Mbape: Bufon legjendë, me fat që e kemi
Kilië Mbape dhe Xhanluixhi Bufon kanë ekzaktësisht 20 vite diferencë. Pavarësisht fitores në Botëror dhe vlerësimit si 21vjeçari më i fortë i momentit, francezi duhet ende të mësojë dhe këtë mund ta bëjë nga përvoja e kampionëve që rrethohet. "Bufon është një vlerë e shtuar në fushë dhe jashtë saj. Ndoshta nuk e kuptojmë fatin e të pasurit të një legjende të tillë në kampionatin tonë. Nuk e kisha imagjinuar kurrë që do të luaja me të apo kundër tij. Të ndajmë dhomën e zhveshjes së bashku është një përvojë e paharrueshme dhe duhet të përfitosh, sepse nuk mendoj se do të luajë deri 60 vjeç. Shpresoj të vazhdojë kështu", tha sulmuesi i PSG-së. Mbape jep edhe lajmin e mirë se Kavani dhe Nejmar janë drejt riaftësimit, ndërsa lëshon edhe një opinion për Champions-in, ku në 1/ 8-at e vajtjes mposhtën "djajtë" 2-0. "Kur them se nuk duhet të kemi frikë ua them tifozëve. Kundër Junajtid bëmë një ndeshje të mirë dhe kur të shkojmë në çerekfinale, nëse do të shkojmë, mendoj se çdo rival do të jetë i vështirë".