Valverde “harron” Mesin: Barça s'bën dot pa... Suarezin

"Vështirë ta lësh në stol një si Luis, duhet të bëjmë shumë kujdes nga dëmtimet"

Nis kalendari i fer rit për Barce lonën. Tri ndeshje delikate brenda 7 ditësh, sot (ora 16:15) në transfertën me Sevijen, pastaj dy "El Clasico" me Realin. Trajneri Ernesto Valverde ka thënë se ekipi duhet të bëjë kujdes për të shmangur dëmtimet dhe vlerësoi maksimalisht Luis Suarezin. Pavarësisht transfertës së vështirë, Barça është favorite për fitoren (1.85). Barazimi ka koeficient 4,2 dhe fitorja e Sevijes 3.6.

SEVIJA

"Është një ekip i frikshëm si brenda ashtu edhe jashtë fushe. Një skuadër e tillë u ka hapur gjithmonë probleme edhe atyre që renditen sipër në tabelë. Ne e humbëm ndeshjen në Kupë aty".

VENDIMTAR

"Sevija është rival që gjithmonë na ka hapur shumë punë dhe e dimë që ndeshja do të jetë shumë e vështirë. Një sfidë e tillë është delikate dhe si një finale në këtë moment të sezonit".

SUAREZ

"Fizikisht është shumë mirë dhe javën e kaluar e nisi ndeshjen nga stoli. Ka pushuar mirë dhe e shoh gati për 3 takimet vendimtare që kemi. Suarez na garanton raste të pastra në çdo përballje. Është shumë e vështirë të heqësh dorë nga një lojtar i tillë".

DURIM

"Gjithmonë kapeni pas një lojtari në momentet e vështira të sezonit. Por situata me Suarezin është e çuditshme, sepse ai është një lojtar që ka shënuar shumë gola, madje është i pesti i historisë së klubit. Në dy ndeshjet e fundit ka pasur raste pafund për të shënuar. Unë jam i durueshëm me të gjithë".

DY KLASIKE

"E dimë që janë sfida të rëndësishme dhe e dimë se çfarë do të thonë për botën e futbollit. Por fillimisht mendja te Sevija, sepse është ndeshje e vështirë".

UMTITI

"Është rikuperuar 100% dhe mund të luajë. Në këto ndeshje të vështira ai mund të na ndihmojë, por të presim".

RROTACION

"Në shtatë ditë do të luajmë 3 takime shumë delikate. Sigurisht që duhet t'i mendojmë edhe rrotacionet, sepse e dimë shumë mirë se çfarë kostoje ka tani një lojtar i dëmtuar"...

ARTUR

"Nuk e di nëse mund të rikuperohet për 'El Clasicon'. Ai nuk ka nisur të punojë me grupin, por ndoshta në fillimin e javës tjetër mund të fillojë të stërvitet plotësisht".