Kukësi, Kukësi, gafa gafa me me të të dëmtuarit dëmtuarit
Ja rastet kur ndiqen këshillat e gabuara dhe pastaj klubi vuan pasojat
Dëmtimet e shpesh ta të futbollistëve te Kukësi janë kthyer tashmë në një gangrenë. Stërvitja në bar artificial rregullisht ka bërë të vetën, por çuditërisht te klubi verior rastet kanë qenë të shumta kur lojtarët kanë sakrifikuar dhe e kanë pësuar më keq se pritej, duke rrezikuar madje sezonin. I fundit që e pësoi ishte braziliani Uilliam Melo, i cili ka krisur dorën pas një përplasjeje me Taulant Sefgjinin në ndeshjen Laçi-Kukësi më 26 janar. Melo sakrifikoi në atë takim, duke luajtur për më shumë se gjysmë orë me dorën e dëmtuar. Fraktura ishte jo e lehtë, pasi futbollisti kishte krisur bazën e shputës së dorës. Mirëpo, çuditërisht lojtari vazhdoi të luante edhe për tri javë, pikërisht kundër Flamurtarit, Tiranës e Teutës. Për 20 ditë ai sakrifikoi me atë gjendje, por kush mban përgjegjësi për raste të tilla? Klubi gaboi që e aktivizoi lojtarin fill pas dëmtimit, ku sipas specialistëve i duheshin të paktën 2 javë për rikuperim, teksa dorën duhet ta hidhte në allçi. Në këto kushte, pësoi dëmtim akoma më të madh, teksa tani i nevojiten minimalisht 1 muaj për t'u riaftësuar. Melo nuk është i vetmi futbollist që është gabuar me trajtimin te Kukësi, aty ku ngutja për të luajtur pa u rikuperuar plotësisht i ka dhënë një "shuplakë" ekipit. Aktivizimet e përshpejtuara, pa respektuar këshillat e mjekëve, më shumë e kanë dënuar Kukësin.
PRECEDENTËT - Simon Rrumbullaku ka qenë një prej lojtarëve me më shumë minuta vitin që shkoi, por nuk mund të thuash të njëjtën gjë këtë sezon. Më 28 gusht mbrojtësi i majtë në një përplasje me një prej futbollistëve vlonjatë në takimin e javës së dytë kundër Flamurtarit, pësoi një frakturë të madhe në kupën e gjurit për të cilën iu deshën 7 javë të rikuperohej. U rikthye në fushë ndaj Kastriotit më 20 tetor të luante prej minutës së parë, por kjo i kushtoi shtrenjtë, pasi doli i dëmtuar në përfundim të takimit. Mbrojtësi kishte pësuar një tërheqje muskulore të shkallës së dytë dhe iu deshën 1 muaj e 10 ditë për t'u rikthyer. Rasti i tretë i dëmtimeve për shkak të aktivizimit pa u rikuperuar plotësisht është i kapitenit Ylli Shameti. Lideri i ekipit pësoi një dëmtim në ndeshjen kundër Flamurtarit më 2 nëntor të vitit që shkoi. Bëhej fjalë për një zgjatje të ligamentit, ku i duheshin të paktën 4 javë pushim. Por, pas vetëm 10 ditësh luajti kundër Teutës në Durrës. Ai aktivizim jo në kohën e duhur bëri që lojtari të dëmtohej sërish.