Ajaks madhështor, Reali Reali turpërohet në në “Bernabeu” “Bernabeu”
Spanjollët eliminohen për herë të parë pasi kishin fituar, fundi i një epoke
Mbrëmje drama tike në “sh tëpinë e bardhë” e cila shembet në mënyrë të befasishme nga goditjet e njëpasnjëshme të një Ajaksi spektakolar. Nis shumë keq ndeshja për “galaktikët”, të cilët pësojnë dy gola në më pak se 20 minuta dhe përfundon akoma më keq. Dy shtylla nga Vinicius dhe Vaskez dhe goli i tretë i dyshimtë. Përtej episodeve, Ajaksi arriti të përmbyste Realin pas humbjes së ndeshjes së parë falë paraqitjes madhështore të Tadiçit, i cili shënon një gol dhe jep dy asiste. Spanjollët hedhin në erë çdo objektiv të sezonit në një javë pasi u mundën edhe nga Barcelona në Kupë dhe kampionat. Fitorja 1-4 e holandezëve, që mbante firmat e Zieh, Neres, Tadiç dhe Shëne zyrtarizoi krizën në kampin e Realit të Madridit dhe u hoqi kurorën spanjollëve pas më shumë se 1000 ditësh. Për të dhënë një ide se çfarë përmbysje spektakolare bëri Ajaksi, mjafton të kujtojmë se ishte hera e parë në 35 ndeshje që Reali eliminohet pasi ka fituar ndeshjen e parë.
SULME VRASTARE- Reali zbriti në fushë me bindjen për të mos e humbur trenin “Champions”, pasi pak ditë më parë ishte përshëndetur me trofetë e tjerë sezonalë. Krejt ndryshe fillimi i ndeshjes nga ai i sfidës së parë, me spanjollët që ishin agresivë dhe me ritëm. Nisja e ndeshjes ishte shpresëdhënëse dhe Varan pas katër minutash goditi traversën. Një sinjal që tregonte se Ajaksi do të vuante. Ndodh krejt e kundërta, me Zieh që në minutën e 7-të shënon golin e parë pasi Kros humbi topin në mesfushë. Pjesa tjetër është art i Tadiçit, i cili bën një “ruletë” duke shastisur Kasemiron dhe pason për Neresin. Edhe ky i fundit me finesë e kalon topin mbi Kurtuanë dhe shënon golin e dytë. Dy gola të shpejtë që ngrinë tifozët e pranishëm dhe vetë ekipin.
MBRËMJE E MALLKUARReali është i pafat sepse në 30 minutat e para të ndeshjes humbi Viniciusin dhe Vaskezin të dëmtuar, dy më të mirët në fushë. Dhe mbrëmja e mallkuar vazhdon edhe në fund kur Bejl në minutën e 42-të godet sërish shtyllën. Një rast i artë që erdhi pas disa pritjeve shpëtimtare të Kurtuasë. Ajaksi ishte teknikisht më lart dhe kjo gjë bëri diferencën kur Tadiç shënoi një supergol për të tronditur edhe një herë madrilenët. Një gol që u kontestua për daljen e topit në rivënie anësore. Nuk ishte koha për t’u dorëzuar dhe Asensio shënoi golin e shpresës. Vetëm kaq, sepse Shëne shënon një supergol me goditje dënimi dhe u jep fund ëndrrave me përmbysje. Reali mbyll sezonin dhe epokën fituese në mënyrë të turpshme. Ajaksi feston çerekfinalet pas 22 vitesh.