Krisje totale, Ikardi nuk pranon të luajë
I bindur se klubi do ta shesë, flet vetëm me presidentin Zhang
Si dhe kur do përfun dojë polemika? Nuk dihet. Sakaq, Mauro Ikardi nuk ka pranuar rikthimin në skuadër: ndien ende dhimbje, gjuri i jep ende shqetësime. "Nuk jam gati", i është shprehur Luçiano Spaletit dhe mjekut të klubit, të cilët të hënën ishin përpjekur të qartësonin situatën me sulmuesin. Një përgjigje e rëndë, sepse Interi e cilëson të përfunduar periudhën e riaftësimit, së cilës iu nënshtrua argjentinasi, i lënë edhe jashtë posterit të akordit me sponsorin e ri kinez "AUX" (shoqëri e specializuar në fushën e produkteve elektrike), ku si imazhe u zgjodhën Shkrinjar, De Vraj, Lautaro, Perisiç dhe në krye kapiteni i ri Handanoviç. Do mungojë në transfertën e Frankfurtit për sfidën e parë të 1/8-ave të Ligës së Europës kundër Ajntrahtit. Krisja mes palëve po thellohet.
ASNJË SINJAL PAQEJE
E kushedi nëse Ikardi fushën do e shikojë sërish me fanellën e Interit, që nuk beson se dhimbja e futbollistit është aq e madhe sa mos të rikthehet në fushën e lojës dhe mund ta lërë jashtë deri në fund të sezonit. Mauro nuk dha asnjë sinjal paqeje me klubin e së pari skuadrën, përveç një qartësimi me Ivan Perisiçin pas konflikteve të kohëve të fundit me kroatin. Dhe provokimi me operacionin, i krijuar nga vetë Ikardi gjatë javëve të kaluara, nuk shihet deri në fund i besueshëm sepse vetë Mauro, pas një konsulte me profesor Kugat vitin e kaluar largoi hipotezën.
RRUGË LIGJORE
- Mund të zhvendosë çështjen në rrugë ligjore. Për momentin, megjithatë, Interit i interesojnë dy sfidat me Ajntrahtin, ajo Spalin dhe derbi: 11 ditë ku do luhet
një pjesë thelbësore e sezonit. Dhe zikaltrit kanë vendosur të vazhdojnë me një handikap: bast i rrezikshëm, por i detyruar dhe i detyrueshëm.
DUKE PRITUR STIVENIN
- Numri 9, pra, po bën "vesh të shurdhër". I bindur se ka qenë klubi ai që ka kërkuar
krisjen për ta shitur në verë: cilëson shiritin e kapitenit një çështje nderi. Pretendon një shpjegim zyrtar drejtpërdrejt nga Stiven Zhang. Kërkon një ballafaqim me presidentin, i cili do rikthehet nga Milano në fund të javës së ardhshme, pak orë përpara derbit të 17 marsit.