Di Françesko: Është ndeshja e jetës për Romën, jo për mua

Fati i trajnerit italian varet nga portugezët

Kundër Portos, Roma luan biletën në çerekfinalet e Champions-it, por edhe stolin e Euzebio Di Françeskos. "E rëndësishme është që Roma të kalojë. Do të jetë vendimtare faza mbrojtëse. Mendimet e mia nuk shkojnë për veten, por për djemtë, që të bëjnë një ndeshje të madhe. Nesër (sot) nuk do të luaj unë, nuk është ndeshja e Di Françeskos", shpjegoi trajneri i Romës në konferencën për shtyp. Në "Olimpico", italianët fituan 2-1 falë dopietës së Zaniolos. Bilanci i Romës në Portugali është 2 fitore, 3 barazime, 2 humbje. Ndërsa Porto nuk ka fituar asnjë nga 6 ndeshjet e fundit në fazën me eliminim direkt (1 barazim, 5 humbje). Konseisao i ka këshilluar lojtarët e tij të luajnë pa u nxituar, ju çfarë do t'u thoni tuajve? Konseisao bën mirë që thotë kështu. Ne duhet të mbrojmë golin e avantazhit dhe do të jetë vendimtare faza mbrojtëse. A është Markano gati për ndeshjen? Në ndeshjet e nivelit të lartë keni preferuar Florencin pak më lart. Gjithçka është e mundur, djemtë nuk e dinë se kush do luajë. Nuk them kush do luajë, dua të shoh në fytyrë lojtarët dhe pastaj do vendos. Kjo është një ndeshje ven- dimtare për stolin tuaj. Me çfarë gjendjeje emocionale përballeni? Do doja të mos e spostoja vëmendjen te Di Françesko, por te Roma. Mendimet e mia nuk shkojnë për veten, por për djemtë e mi, që të bëjnë një ndeshje të madhe. Në fushë nuk zbret di Françesko, por lojtarët. Është një takim shumë i rëndësishëm për të gjithë. Ndiheni i mbështetur? Është momenti më i vështirë për ju si trajner? Momenti më i vështirë është gjithnjë ndeshja e radhës. Pas një periudhe pozitive rezultatesh, derbi na uli moralin. Duhet të mendojmë vetëm për këtë sfidë, si të ishte ndeshja e jetës. Do ta shikonit si të pavend prezencën e Paulo Souzës në stadium? Absolutisht jo, sepse një gjë është që të bësh deklarata pa stil, tjetër gjë të shohësh ndeshjet dhe mund të më ndodhë edhe mua nesër.