FSHV, apel klubeve: Respektoni “fair play”-n
Federata Shqiptare e Volejbollit, deklaratë për shtyp pas përfundimit të finaleve të kupës
Federata Shqiptare e Volejbollit, me anë të një deklarate për shtyp pas përfundimit të fazës finale të Kupës së Shqipërisë: "Me anë të kësaj deklarate, FSHV dëshiron që në përfundim të aktivitetit të fazës finale të Kupës së Shqipërisë të falënderojë të gjithë ekipet pjesëmarrëse, të cilat me lojën e tyre na dhuruan spektakël e emocione duke shfaqur një fryme gare dhe rivalitet të lartë, të falënderojë publikun e pranishëm në sallë, i cili iu dha gjallëri këtyre ndeshjeve, si dhe qytetarinë e treguar, të falënderojë partnerin mediatik RTSH, për transmetimin e ndeshjeve për t'ua çuar sa më pranë sportdashësve të volejbollit kudo që ata ndodhen dhe së fundmi të falënderojë gjyqtarët këtyre finaleve, si dhe stafin e FSHV-së, të cilët bënë të mundur që ky spektakël të përcillet te të gjithë dashamirësit e volejbollit më të gjitha cilësitë dhe standardin europian të vendosur tashmë nga FSHV. Më tej, FSHV dëshiron të theksojë se nuk do të lejojë askënd që të cenojë integritetin e standardin e aktiviteteve të FSHV-së, imazhin apo strukturat përbërëse të saj me deklarata e sjellje emocionale të pabaza e të pamotivuara, të cilat bien ndesh me Kodin e Etikës. U bëjmë thirrje klubeve sportive, shoqatave sportive, trajnerëve e lojtarëve që të kontrollojnë emocionet e tyre, të parandalojnë sjelljet antisportive dhe të respektojnë 'Fair play'-N, sidomos në prag të fazës më të 'nxehtë' të kampionatit, asaj në vijimësi dhe të 'play-off'-it. FSHV, do të jetë në gatishmëri të plotë për të garantuar mbarëvajtjen e të gjitha aktiviteteve të volejbollit dhe garantojmë që çdokush që do të cenojë këtë standard do të jetë subjekt i Komisionit të Disiplinës në për- puthje me Rregulloren e Brendshme të FSHV-së dhe Kodin e Etikës. Duke iu uruar suksese ekipeve fituese të Kupës së Shqipërisë dhe të gjitha ekipeve të tjera pjesëmarrëse në aktivitetet tona, jemi të bindur që të gjithë së bashku mund të kontribuojmë në zhvillimin e ndeshjeve cilësore, me rivalitet dhe me frymën sportive të 'fair play'-it. 'NE JEMI NJË EKIP', Federata Shqiptare e Volejbollit".