“O Zot, ke ekip ti?” Rama batuta me presidentët
Kryeministri-Takajt: Je një kalkulator i mirë ti
Në tryezën e për bashkët për fut bollin të organizuar dje nga Federata Shqiptare e Futbollit dhe kryeministria, nuk munguan batutat mes kreut të qeverisë Edi Rama dhe aktorëve të futbollit. Rama e ka nisur me administratorin e Orikumit ku është çuditur që edhe kjo zonë ka një klub futbolli, ndërsa ka vazhduar më tej me batutat që ka bërë me presidentin e Skënderbeut, Ardjan Takaj apo administratorin e Kastriotit, Gazmend Vogli. Gazeta "Panorama Sport" sjell të gjitha batutat e djeshme të kryeministrit me aktorët e futbollit.
Sapo administratori i Orikumit, Gëzim Çapoj mori mikrofonin për të folur, ndërhyn Edi Rama dhe i thotë: "Edhe ju keni skuadër futbolli në Orikum?
Gëzim Çapoj
"Po".
Edi Rama
"O Zot!"
Gëzim Çapoj
"Ju e dini që unë merrem me futbollin, pasi keni qenë dhe jeni deputeti ynë”.
Edi Rama
"Nuk e dija që keni klub futbolli, më fal".
Ardjan Takaj
(President i Skënderbeut) "A mund të na japë kryeministri një datë për të gjitha këto që u folën, pasi është e rëndësishme që të mos e kalojmë kështu si një muhabet kafeje. Është një çështje shumë serioze për sportin shqiptar. Është shumë e vërtetë që futbolli shqiptar është në një krizë shumë të madhe financiare".
Edi Rama
"Pas vitit të Skënderbeut, këta duan edhe data. Bëji kalkulimet, se i thonë 100 ditë
se je kalkulator i mirë. Nga sot 100 ditë, bëje vetë llogarinë”.
Ndërhyn një nga salla
"20 qershor"
Edi Rama
"20 qershor shumë mirë. I bie që paradite kemi fituar zgjedhjet dhe pasdite të vijmë këtu dhe t'ju bëjmë paraqitjen".
Gazmend Vogli
(Administratori i Kastriotit)
"Kastrioti garon në Superiore. Problemi ynë është infrastruktura në stadium. Kemi çuar nëpër ministri projektin për rikonstruksionin e stadiumit dhe akoma nuk na kanë kthyer përgjigje. Ka mbetur vetëm te ju zoti kryeministër".
Edi Rama
"Doni stadium në FushëKrujë?"
Gazmend Vogli
"Jo, në Krujë. Është një fond
minimal që nuk e dëmton shtetin. Federata e ka bërë punën e vet 1/3 siç i takon e ka mundësuar. Tani mbetet topi te qeveria".
Edi Rama
"E di, se presidenti e ka kollaj, të gjithëve u thotë unë të jap 1/3-ën, 2/3-ën shko dhe merre në qeveri. Ky i jep gjithmonë, por në të vërtetë nuk nxjerr asgjë nga xhepi, pasi në fund nuk merren".