Juve, 10 arsye për të besuar
Kielini do të nderojë 500 betejat, Manxukiç kërkon të konfirmojë "ligjin e ish-it"
Dhjetë arsye për të besuar, madje dh jetë shkaqe përse kjo Juve mund të besojë te përmbysja e madhe sot në orën 21:00. Bardhezinjtë luajnë ndaj Aletikos "copën" më të rëndësishme të sezonit, ndaj motive për të besuar ekipi i Alegrit ka dhe duhet t'i shfrytëzojë.
1. RONALDO
Sepse ka Kristiano Ronaldon. Golashënuesi më rezultativ i historisë së Ligës së Kampioneve. Portugezi është një lojtar që ndaj Atletikos ka shënuar 22 herë dhe di si fitohet, duke qenë se e ka eliminuar në të gjitha rastet kur e ka përballur me ndeshje vajtje-ardhje në Europë. Dy finalet e Champions-it të fituara janë "bonus".
2. ALEGRI
Sepse Alegri nuk mund të dalë nga skena që në 1/8-at e Champions-it. E thotë historia e tij bardhezi. Maks do të konfirmojë që është një mjeshtër i ndeshjeve europiane dhe njëkohësisht të largojë njëherë e mirë zërat që e "duan" larg Juventusit në fund të sezonit për t'i bërë vend dikujt, që kupën "veshgjatë" di si ta fitojë. (shih Guardiola). 3. CHAMPIONS PËRMBYSJESH
Ky edicion i Champions-it mund të konsiderohet si ai i përmbysjeve të mëdha. E bëri Porto ndaj Romës dhe Junajtidi ndaj PSG-së. Bardhezinjtë janë gati të konfirmojnë rregullin italian të treshit, sipas së cilit: "Nuk ka dy pa tre". 4. PËRMBYSJE PËRGJYSMË
Rregulli i mësipërm vlen edhe në këtë pikë. Juventusi u ka shkuar shumë pranë përmbysjeve në 2016-ën ndaj Bajernit dhe vjet ndaj Realit. Me fatin që i ka diçka borxh, banda e Alegrit mund të besojë sot më shumë se kurrë.
5. DIBALA
"La Noche del 10" (Nata e dhjetëshit). Dibala ka shënuar pesë herë në këtë edicion të Ligës së Kampioneve dhe ndaj Atletikos mund të jetë faktor vendimtar, megjithëse nga stoli, sepse Alegri ka zgjedhur të tjerë mes titullarëve. Dy sezone më parë ndaj Barcelonës tregoi se mund të bëjë diferencën, teksa kjo e sotmja mund të jetë një natë epike për numrin 10 të Juventusit dhe për të bërë hovin cilësor në karrierë.
6. KAPITENI
Xhorxho Kielini sot luan ndeshjen e tij të 500-të si bardhezi, një arritjet që mund dhe duhet festuar në mënyrën më të mirë të mundshme, për një legjende autentike të Juves në dekadën e fundit.
7. STADIUMI
Luhet në fortesën "Allianz", ku përqindjet e fitoreve bardhezi janë pranë 80 përqindëshit. Sot, tifozët në tribuna kanë mundësinë të tregojnë se janë lojtari i 12-të dhe se mund të bëjnë diferencën.
8. KROATI
Kujdes Mario Manxukiçin, ish-i i sfidës, njeriu i dopietës në "Bernabeu" një vit më parë dhe ai që barazoi përkohësisht në finalen e Kardifit. Kroati është i fundit që dorëzohet, për të mos thënë që nuk dorëzohet kurrë. Ai
po që di të shënojë "gola të rëndë". 9. LIGJI U NUMRAVE TË MËDHENJ
Juvja mund t'ia dalë mbanë sepse thjesht nuk ia ka dalë kurrë të realizojë diçka kaq të madhe. Bardhezinjtë nuk kanë përmbysur kurrë një disavantazh të dyfishtë dhe Alegri nuk i ka shënuar kurrë Çolo Simeones. Herë a vonë, duhet të ndodhë.
10. DETYRIM
Më e thjeshta nga arsyet. Tifozët e Juves kanë prenotuar biletat për udhëtimin dhe finalen e Madridit. "Zonja" duhet t'i kënaqë. Sot!