Lautaro, në derbi pritet "shenjtërimi"

Vendimtar, konkret. Tani është momenti i duhur për të djegur etapat sepse te ky Inter ka nevojë për një pikë referimi. Në mungesë të Mauro Ikardit, skuadra zikaltër po zbulon cilësitë dhe talentin e Lautaro Martinezit: "Demi" argjentinas po shfrytëzon më së miri shanset dhe po tregon se është një lojtar i besueshëm. Për sa u takon golave, tetë deri tani në sezon, po ndjek rrugën e duhur: vendimtar ai në Vjenë, menjëherë pas rrjetave të fitoreve kundër Parmës dhe Napolit. PROTAGONIST - Në transfertat kundër Rapidit dhe Ajntrahtit në Europë, madje, fitoi edhe dy penallti. Tani mund të rikarikojë bateritë dhe të mendojë për Milanin: nesër me Ajntrahtin e Frankfurtit nuk do mund të zbresë në fushë në sajë të skualifikimit për numër kartonësh. Një derbi si protagonist do ishte "shenjtërimi": për fat arbitri Kalvareze e fali për prekjen me dorë kundër Spalit pa e ndëshkuar. Një ndeshje ku argjentinasi u detyrua të sakrifikohej dhe të dilte shpesh jashtë zone. ARGJENTINA - Në mendimet e tij qëndron pa dyshim edhe kombëtarja: trajneri Lionel Skaloni e përfshiu në listë për miqësoret kundër Venezuelës dhe Marokut, të programuara për datat 23 (02:00) dhe 26 mars (20:00). Me fanellën bardhekaltër, sulmuesi ka shënuar edhe një gol: kundër Irakut, në muajin tetor. Tani objektivi është Kupa e Amerikës, që do zhvillohet mes 14 qershorit dhe 7 korrikut. Fillimisht, megjithatë, do duhet të tregojë se numri 10 në fanellën e Interit nuk i peshon dhe se do të jetë më shumë se rezerva e Ikardit.