Gorea: Asnjë falsifikim, Goga lojë të pandershme
"Kishin qëllim vetëm që ne të humbnim shërbimet e lojtarit"
Vazhdojnë polemi kat ndërmjet dy skuadrave durrsake, Teuta dhe Goga në lidhje me basketbollistin amerikan Erik Kobes. Pas akuzave të presidentit të skuadrës Goga Basket, Perikli Goga, i cili tha se Teuta ka falsifikuar kontratën e lojtarit amerikan, gjë që solli edhe dështimin e afrimit të lojtarit në radhët e ekipit privat, vjen edhe replika nga skuadra e Teutës. Tashmë është presidenti i Teutës, Arqile Gorea, ai që sulmon ashpër ekipin tjetër të qytetit. "Kobes është një lojtar që ka kontratë me ne. Ai është grabitur nga Goga Basket, e cila e ka përcjellë deri në avion duke treguar se nuk ka qenë e interesuar për ta marrë lojtarin, por ka pasur qëllim vetëm ta largojë nga skuadra jonë. Unë nuk kam pse të fal- sifikoj dokumentet për një lojtar që është në kontratë me mua. Kjo është diçka e nxjerrë prej tyre që solli edhe largimin e Kobesit nga Shqipëria. Ne kësaj çështjeje do t'i shkojmë deri në fund, ku kemi kontaktuar edhe një avokat për ta ndjekur. Na kanë dëmtuar shumë, pasi Kobes ishte një lojtar shumë i mirë dhe këtë vit luante me dyfishin e pagës që ka pasur vjet. Lojtari e ka marrë kontratën te noteri dhe është diçka e vërtetueshme. Por, kjo që u bë është shumë e shëmtuar që nuk ka të bëjë aspak me sportin dhe me konkurrencën e ndershme", tha Gorea. Më pas ai komenton edhe pjesën kontraktuale që ka pasur me lojtarin amerikan: "Kontrata është e bërë te noteri dhe është depozituar brenda të gjitha rregullave në federatë. Gjithashtu është e depozituar te zyra e punës dhe e emigracionit në Durrës, pasi ne i kemi nxjerrë edhe lejen e qëndrimit. Është e depozituar gjithashtu në Bankën Kredins në Durrës, aty ku lojtari ka llogarinë e tij. Pra, ai është një lojtar legal i Teutës, ku në kontratë ka një klauzolë ku thuhet se lojtarit i ndalohet kategorikisht të hyjë në bisedime me individë ose ekipe, të cilat bien ndesh me interesat e skuadrës. Në rast të kundërt, lojtari do të paguajë penalitete që do të merren nga vendimi i bordit. Ka edhe klauzolën e lëshimit, ku nëse lojtari gjen një kontratë më të mirë duhet të paguajë dëmshpërblimin që e vendos bordi", deklaron presidenti i Teutës, duke mohuar se ka parregullsi në kontratën e basketbollistit. Në fund, sipas Goreas, ekipi Goga Basket u ka shkaktuar dëme edhe me lojtarë të tjerë në të shkuarën: "Kjo është një lojë që Goga nuk po e bën tani për herë të parë. Ata edhe vitin e kaluar më kanë marrë disa lojtarë që kanë qenë të kontraktuar nga ne. Megjithatë, me ndërhyrjen e presidentit të FSHB-së, Avni Ponari, i cili dëshironte që ta favorizonte Gogën duke qenë se ishte një ekip i ri, unë ua lashë duke mos kërkuar penalitete. Edhe para 3 vitesh kanë bërë të njëjtën gjë duke më marrë dy lojtarë në mes të kampionatit ku i ofruan punë në kompaninë e tyre. Këtu nuk po flasim për kualitete sportive për të kaluar kundërshtarin, por këtu flitet për të dëmtuar kundërshtarin për të dalë vetë përpara. Kjo s'më duket aspak e ndershme, as sportive dhe as qytetare, pasi jemi dy skuadra të të njëjtit qytet. Ne po marrim pjesë në Ballkan Ligë duke u bërë e para skuadër shqiptare që kualifikohet në katër më të mirat. Ndërkohë që në një moment të tillë ne na vidhet lojtari në mënyrë djallëzore dy ditë para se të mbylleshin federimet në mënyrë që ne mos të kemi mundësi rikuperimi. Fakti që ata janë kujdesur për Kobesin deri në momentin që është larguar nga Shqipëria, tregon qartë qëllimin e tyre. E gjitha kjo ndodhi direkt pas humbjes që pësuan në Kupë ndaj nesh", përfundon Arqile Gorea.