Mesi super, Barcelona “manita” për çerekfinalen
Lioni tremb vetëm 10 minuta, "Pleshti" mesazh Ronaldos
Provë force e jashtëza konshme e Barce lonës, e cila siguron çerekfinalet e Ligës së Kampionëve për të 12-in sezon radhazi. Katalanasit mahnitin publikun në "Kamp Nou" duke shkatërruar Lionin, pavarësisht një momenti delikat në fillimin e pjesës së dytë ku francezët rihapën llogaritë e kualifikimit. Rezultati 5-1 në fund mban firmat e Leo Mesit (dopietë), Kutinjos, Pikesë dhe Dembelesë. Pas eliminimeve të Realit të Madridit dhe Atletikos, Barcelona shmang dështimin e futbollit spanjoll.
LËVIZJE SURPRIZË- Zhenesio provoi të befasonte katalanasit me një mbrojtje me 5 lojtarë dhe e mbështet lojën e tij te Fekir, i cili mungoi në sfidën e parë. Një lëvizje që i ndihmoi francezët që të surprizonin Mançester Sitin në fazën e grupeve, por nuk rezultoi efikase përballë klasit dhe urisë së Leo Mesit me shokë. Formacioni i Valverdes ishte më i miri, me Kutinjon të preferuar si titullar ndaj Dembelesë. Lengle dhe Serxhi Roberto ishin rikthyer në linjën mbrojtëse. Barcelona e çau digën mbrojtëse të rivalëve falë pasimeve të shpejta dhe kombinimeve konstante. Mbi të gjitha edhe falë daljeve të shpeshta të Hordi Albës dhe Kutinjos, që krijojnë superioritet numerik në të majtë. Por ndeshja e Lionit shkatërrohet shumë shpejt nga mbrojtësit e qendrës ku Denajer shkakton penallti.
NJË-DY I BARÇËS- Penalltia e transformuar në gol nga Mesi me një goditje delikate "alla Panenka", i tronditi francezët, që nuk kishin forcë për të reaguar. Pas gjysmë ore lojë erdhi goli i dytë, ku katalanasit falë depërtimit të Luis Suarezit gjejnë rrjetën me Kutinjon. Uruguaiani shërben për brazilianin dhe ky i fundit nuk gabon. Nga ai moment dhe deri në fund, Lioni rrezikoi shpërbërjen. Shpëtoi vetëm nga pasaktësia e sulmit të Barcelonës, ku Suarez dhe Mesi falin portierin në 5 raste.
FRIKË DHE GOLEADËFormacioni i Valverdes rrezikoi seriozisht në 10 minuta lojë, teksa ekzaktësisht nga minuta e 60-të deri në të 70-ën po xhironte bosh. Lioni gjeti golin e parë falë të djathtës së Tusar brenda zone. Por katalanasit e menaxhuan mirë situatën falë eksperiencës dhe filluan të shfrytëzonin lojën nga krahët. Për të ndezur sërish "dritat" mendoi Leo Mesi, i cili në minutën e 78-të "përpin" dy kundërshtarë me një dopiodriblim dhe shtang portierin duke e dërguar në rrjetë. Dy
minuta më vonë ishte radha e Pikesë, i cili shënon në një nga aksionet karakteristike duke ndjekur sulmin e rrjedhshëm. Asist i "Pleshtit" dhe mbrojtësi katalanas nuk gabon. Për të firmosur "manitin" mendon Dembele, i cili nis zyrtarisht festën në "Kamp Nou".