Risi në Kombëtare, grumbullohet Lorenc Trashi
“Pata periudhë të vështirë, më thanë që kam dëmtim serioz”
Eros Grezda ka deklaruar me optimizëm se forma e tij dhe e Kombëtares është e mirë për të synuar maksimumin në dy ndeshjet e radhës. Mesfushori i Rejnxhërsit, në konferencën e djeshme ka komentuar edhe periudhën e dëmtimit. Gjithashtu, është shprehur se Shqipëria ka një grup të mirë që mund ta bëjë sërish kombin krenar:
FORMA JUAJ – “Pata një periudhë shumë të vështirë në dy muajt e fundit, u ktheva të shtunën dhe ndihem shumë mirë. Gjatë kohës që kam qenë i lënduar kam punuar. Kemi lojtarë cilësorë, të cilët janë në formë. Do të bëjmë maksimumin, trajneri do të bëjë zgjidhjet e veta”.
E NDIENI VETEN GATI – “Për sa kohë që jam këtu do jem gati në çdo vend. Nuk ka rëndësi nëse luaj në të djathtë apo në të majtë”.
SADIKU – “Jam shumë i lumtur që është rikthyer. Shpresoj të kombinojmë në fushë dhe të bëjmë më mirë. Merremi vesh shumë mirë me të dhe do të bëjmë më të mirën”.
BASTI ME TRAJNERIN – “Do të bëjmë maksimumin për veten tonë dhe pastaj për trajnerin”. XHERARD APO PANUÇI – “Më shumë këshilla më ka dhënë Panuçi, të dy janë profesionistë dhe e bëjnë punën shumë mirë”.
6 PIKË – “Duhet të shkojmë për gjashtë pikë, pasi luajmë më Turqinë në shtëpi dhe me një ekip më të vogël se vetja. Në Europianin e fundit kemi bërë shumë mirë, dhe këtë herë do të bëjmë të njëjtën gjë, kemi një grup shumë të mirë, duam të bëjmë gjithë kombin krenar”.
DËMTIMI – “Kur u dëmtova më thanë se ishte serioze. Gjëja e parë që më shkoi në mendje është mos të humbas Kombëtaren. Ndihem shumë mirë dhe kam punuar edhe me trajner privat për të arritur këto sfida”.