Shpërthen Lenjani: Nuk vij sa të jetë Panuçi

"E them në lot, injorohem prej dy vitesh nga trajneri kalimtar"

Gola, asiste dhe formë e mirë përg jatë gjithë sezonit, por për trajnerin Kristian Panuçi, Ermir Lenjani ishte lënë jashtë Kombëtares për arsye teknike dhe taktike. Mirëpo, teksa dje ka ndodhur që dy futbollistë të listës janë larguar për arsye dëmtimi, italiani i është drejtuar futbollistit të Sionit me një ftesë për t'u paraqitur në Kombëtare. Me anë të një njoftimi në rrjetet sociale, Ermir Lenjani ia ka thënë publikisht trajnerit pakënaqësitë për sjelljen e tij kundrejt futbollistit, duke i numëruar urrejtjen, sjelljen dhe injorimin në këto dy vite. Ermir Lenjani deklaron publikisht vendimin drastik se refuzon të vijë në Kombëtare për sa kohë të jetë trajneri Panuçi, të cilin e konsideron si të përkohshëm te Shqipëria.

"Që nga viti 2013 jam pjesë

POSTIMI I LENJANIT

e Kombëtares shqiptare dhe ndihem krenar për këtë gjë. Sa herë jam ftuar, e kam pranuar ftesën me dëshirën më të madhe, pasi çdo herë kur e kam veshur fanellën kuqezi e kam veshur me shumë dashuri. Kam qenë gati gjithmonë. Kam sakrifikuar shumë, jam gjakosur, kam qarë e kam qeshur si futbollist i Shqipërisë. Kam pranuar edhe stolin, por jam respektuar gjithmonë. Tani në dy vitet e fundit jam duke kaluar një formë shumë të mirë, por po injorohem nga trajneri momental i Kombëtares. Nuk kam luajtur asnjë minutë në Ligën e Kombeve,

por nuk kam bërë zhurmë dhe kam vazhduar të punoj edhe më fort. Kur lëndohen 4-5 lojtarë, trajnerit i bie në mend që luan diku Ermir Lenjani dhe më dërgon ftesë. Faleminderit, por JO! Me lot në sy e them se nuk do të grumbullohem më me Kombëtaren sa të jesh ti aty. Kam kontribuar shumë dhe meritoj respekt. Dashuria ime për Shqipërinë është më e madhe se urrejtja jote për mua. Unë kam qenë, jam dhe gjithmonë do të jem djalë i Shqipërisë, ndërsa ti je vetëm kalimtar".