Tre lojtarë në Kombëtare, Besa projekt me të rinjtë
Nga porta në sulm, ja futbollistët që spikasin
Besa mbetet ndër eki pet e pakta në Sh qipëri ku megjithëse pretendon ngjitjen në Superiore, nuk i është ndarë asnjëherë përkrahjes, aktivizimit dhe motivimit të lojtarëve të rinj. Kjo punë natyrisht ka dhënë frytet e veta, duke çuar tashmë në ekipet Kombëtare të moshave disa futbollistë të saj të talentuar.
Portieri Dobjani
Nëse verdhezinjtë e vegjël të U-17-ës sezonin e shkuar rrëmbyen gjithçka për moshat, një meritë të veçantë ka edhe portieri 18-vjeçar, Ilir Dobjani. Ishte heroi i verdhezinjve në disa takime ku edhe në goditjet e penalltive, me pritjet e tij bëri që verdhezinjtë të kualifikoheshin. Ka qenë ky shkaku që trajneri i Kombëtares U-19 ka ftuar Dobjanin t'i bashkohet grupit. Portieri verdhezi vijon të mbrojë ngjyrat e Besës U-19 plot sukses krahas aktivizimit edhe me skuadrën e parë, herë si titullar e herë si zëvendës i Mirakës. Nuk përbën rastësi, pasi puna me portierët te Besa është shumë produktive. Kujtojmë se vetëm brenda 3 vitesh, nga Besa dolën tre portierë. I pari gardiani i Skënderbeut, Mario Dajsinani, Bruno Puja te Kastrioti dhe Ilir Doajani.
Mbrojtësi Hysenaj
Të luash me Besën ndihesh gjithnjë i vlerësuar dhe këtë e ka provuar mbrojtësi shkodran Senad Hysenaj. I janë dashur fare pak javë që kur erdhi te verdhezinjtë për të pranuar ftesën nga Kombëtarja U-21. Kujtojmë se Hynenaj erdhi nga ekipi i Partizanit në janar.
Sulmuesi Tedi Cara
Tashmë sulmuesi kavajas Tedi Cara nuk është më një emër i panjohur. Golat e tij me ekipet e moshave, U-17 e U-19 dhe njëkohësisht me skuadrën e parë, kanë bërë që të tërheqë vëmendje dhe të vlerësohet nga të gjithë. Ka zëra, të cilat e çojnë te Skënderbeu në qershor duke iu bashkuar dy kavajasve të tjerë, Krasniqit dhe Dajsinanit që tashmë janë pjesë e formacionit korçar. Tedi Cara vijon të thirret edhe nga Kombëtarja U-20 dhe jo vetëm, pasi ai është grumbulluar që në themelimin e kësaj Kombëtareje. Kështu ka ndodhur edhe tani. Krahas Carës, në këtë Kombëtare të re më herët janë thirrur edhe Shaljani e Krasniqi. Këtë sezon, Besa u ka dhënë shumë hapësirë lojtarëve të rinj, ndërsa është munduar që t'i alternojë me ata që kanë eksperiencë. Verdhezinjtë janë një prej ekipeve pretendente që synojnë ngjitjen në Superiore, ndërsa diferenca me Bylisin e vendit të parë është tri pikë. Pritet një garë e fortë mes këtyre ekipeve për të përcaktuar atë që do të sigurojë biletën e ngjitjes në elitë.