Maldini, takim sekret në Ibiza me yllin e Realit
Profili i duhur për mbrojtjen e Xhampaolos, mbrojtësi u "buzëqesh" kuqezinjve në Ibiza
Cilësohej si i paprek shëm nga Milani, por Teo Hernandez është madrileni që është më pranë kuqezinjve në orët e fundit. Mbrojtësi është pikasur gjatë ditës së djeshme duke drekuar me Paolo Maldinin në një restorant të njohur në Ibiza të Spanjës. Disa ditë më parë, drejtori i "Djallit" pati një takim me Florentino Perez dhe biseda për 21vjeçarin u përfol si më e komplikuara, pasi përveç kostos së operacionit, vështirësi kishte edhe gjetja e akordit me mëngjarashin që në sezonin e fundit ka luajtur si i huazuar te Real Sociadadit. Dy vite më parë, Reali derdhi në arkat e Atletikos së Madridit 24 milionë euro për të marrë shërbimet e mëngjarashit, i cili për asnjë moment nuk u shndërrua në pikë fikse të formacionit madrilen që asokohe drejtohej nga Zinedin Zidan.
IDEJA KUQEZI - Teo Hernandez cilësohet nga Milani si interpretuesi ideal i roli të mbrojtësit të majtë, aq më tepër që organika aktuale kuqezi ka nevojë për një futbollist me tiparet e spanjollit, i cili mbron mirë, por edhe sulmon po aq. Rikardo Rodrigez ka qenë një konstante e sezonit të fundit kuqezi, por zvicerani shpeshherë ka rezultuar i papërshtatshëm. Alternativat (Diego Laksalt e Ivan Striniçi), për arsye të ndryshme, do të largohen gjatë kësaj verë, ndaj Maldini kërkon të plotësojë organikën me një mbrojtës krahu niveli, i cili përveç 4-3-1-2,
mund të luajë edhe në një formacion me pesë mesfushorë (si anësor). Ashtu si në rastin e madrilenëve të tjerë, edhe për Hernandez, Milani synon huazimin me të drejtë blerjeje, teksa shifrat janë ende për t'u përcaktuar.