“Xholi” Sensi, një miks mes Ksavit dhe Verratit
Mbulon disa role, ka luftuar skepticizmin lidhur me fizikun
Modeli i deklaru ar, idhulli, ësh të Ksavi. Ndërsa lojtari me të cilin tani ngjason më shumë, Verrati. Kanë të përbashkët një fizik prej lojtarësh punëtorë, ndryshe nga mesfushorët fizikë. Stefano Sensi, në të vërtetë, nuk mund të cilësohet identik me asnjërin nga të dy: Ksavi ishte i një tjetër niveli, ndërsa krahasuar me italianin ka më pak prirje për të mbajtur topin. Megjithatë, kanë luajtur së bashku në kombëtare dhe nuk i bashkon vetëm gjatësia: 168 centimetrat kanë qenë prej vitesh një pengesë, ndaj Sensit i ka takuar një rrugë e gjatë. Nga Urbino te të rinjtë e Riminit dhe Çezenës, dy vite i huazuar në Serinë C te San Marino (në rolin e fantazistit), më pas në B te Çezena e në fund te Sasuolo. Me jeshilzinjtë shpërthen vitin e tretë, me De Zerbin në stol: fiton thirrjen e Roberto Mançinit me përfaqësuesen dhe golin e parë me fanellën "axurre". Kështu bindi Interin.
E KALUARA
E të mendosh që në moshë të vogël, tek akademia e Urbanias, nisi të luante si portier. Diçka që konsiderohej e pamundur dhe jo vetëm prej moshës: Stefano ishte më i riu, por edhe më i shkurtri. Në pamundësi, u zhvendos fillimisht në rolin e mbrojtësit për të kaluar më pas në repartin ku ka gjetur veten, në mesfushë. Shtatlartësia, një paragjykim kundër të cilit i është dashur të luftojë gjithmonë pa u dorëzuar kurrë, e kanë forcuar. "Futbolli luhet me këmbë", është përgjigjja e tij klasike. Përpara Interit, përveçse Milani, e kërkoi edhe Barcelona, skuadra e zemrës në fëmijëri, me "YouTube"-n e hapur në përpjekje për të kopjuar diçka nga fenomeni spanjoll.
JASHTË FUSHE
Tani me zikaltrit është praktikisht gjithçka e mbyllur, përfshi detajet dhe paga: Sasuolo do arkëtojë 25 milionë euro përmes formulës së huazimit me të drejtë blerjeje, plus dy të rinjtë Vergani dhe Gravilon. Lojtari do firmosë një kontratë pesëvjeçare, prej dy milionësh në sezon. Dita mund të jetë e marta, Stefano ndërkohë pret në Formentera, ku po kalon pushimet, pas një udhëtimi mes Marokut dhe shkretëtirës
së Saharasë. Origjinaliteti është një karakteristikë që shfaqet në mënyrë konstante, si kur në kohët e Çezenës preferonte një "Renault Twingo" kundrejt luksit, apo kur shfaqej në rrugët e Modenës me një biçikletë të përthyeshme. Thuajse gjithçka në jetën e tij dokumentohet përmes rrjeteve sociale. Ndër të tjera, e fejuara Xhula Amodio është modele, ndërmarrëse në sektorin e kostumeve të banjës dhe influencuese, ndaj "Instagram"-i është pjesë e jetës së përditshme. I ka ndryshuar edhe dietën Sensit, duke kontribuar në kthesën e rendimentit. Pjesën e mbetur e ka plotësuar loja e De Zerbit, ai që i përshtatet më shumë: trajneri e ka ndihmuar të përfshihet në 10 mesfushorët e parë për topa të prekur dhe në 15 të parët për
raste të krijuara dhe pasime të kryera (sipas statistikave të "Opta"-s). Me Antonio Konten do mësohet shpejt.
BROZOVIÇ DHE BARELA?
Trajneri i ri zikaltër ka përshpejtuar negociatat: përtej aftësisë
për të luajtur shpejt, pa rënie në cilësi, interesohet edhe për opsionin e 25-vjeçarit si "shumërolësh". Nëse pyesni vetë Sensin, e sheh veten si "regjisor" të tërhequr, por ndihet komod edhe në krah të modulit 4-3-3. Me Brozoviçin mund të ndajnë detyrat dhe dyshes, pa harruar Naingolanin, Marota dëshiron t'i shtojë Nikolo Barelën. Megjithatë, nuk do t'i bllokonte rrugën asnjërit prej tyre. Këtë sezon pritet të debutojë edhe në Ligën e Kampionëve: një tjetër hap drejt Ksavit dhe Verratit.